Bakı/05.08.18/Turan: Hakimiyyət nəhayət həbsdə görmə qabiliyyətini, demək olar ki, itirmiş Azərbaycan Xalq Cəbhəsi Partiyası (AXCP) sədrinin müşaviri Məmməd İbrahimova tibbi yardım göstərilməsi haqqında müraciətlərə reaksiya verib.
Qlaukomadan əziyyət çəkən müxalifətçi avqustun 4-də Akademik Zərifə Əliyeva adına Göz Xəstəlikləri İnstitutunda əməliyyat olunub.
"Atamın sağ gözünü əməliyyat ediblər. Əməliyyat saat yarım davam edib. Sarğını sabah (avqustun 5-də) açacaqlar. Amma həkimlər deyiblər ki, atam hələ bir həftə görməyəcək. Bu müddətin sonunda görmə qabiliyyəti bərpa olunmalıdır", deyə T.İbrahim bildirib.
Əməliyyatdan sonra M.İbrahimovu Ədliyyə Nazirliyinin Müalicə Müəssisəsinə qaytarıblar.
Məmməd İbrahimov artıq 2 il 10 aydır xuliqanlıq ittihamı ilə həbsdədir. Həbs müddətinin başa çatmasına iki ay qalır. O, ittihamları təkzib edib və siyasi motivli adlandırıb. Hüquq müdafiəçiləri onu siyasi məhbus kimi tanıyıblar. -06D-
Cəmiyyət
-
Bu gün, yanvarın 6-da Azərbaycanda 23 gün sonra keçiriləcək bələdiyyə seçkiləri ilə əlaqədar seçkiqabağı təşviqata start verilir. İndiyə kimi 16 min 174 nəfərin namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov yanvarın 6-da seçkilərlə bağlı iclasda bildirib. Onlardan 8 min 429 nəfəri 23 siyasi partiyanı təmsil edir.
-
Dövlət Sərhəd Xidmətinin məlumatına görə, əməliyyat-axtarış tədbirləri zamanı Azərbaycana 700 qram tiryək, 13 mindən çox Preqabalin- 150 həbinin və 600 ədəd Metadon-40 həbinin keçirilməsi cəhdinin qarşısı alınıb. Bunun harada və nə vaxt baş verdiyi açıqlanmır.
-
Yanvarın 7-də paytaxtda gün ərzində yağıntı gözlənilmir. Axşam saatlarında bəzi yerlərdə yağış yağacağı gözlənilir. Şimal-şərq küləyi cənub-şərq küləyinə keçəcək.
-
Hazırda Çin, Qazaxıstan və Rusiyada metapnevmovirus - kəskin respirator virus infeksiyaları üzrə qeyri-stabil epidemioloji vəziyyət müşahidə olunur. Onun sinmptomlrı öskürək, burun tutulması, burun axması, hərarətin yüksəlməsi, nəfəs darlığı, səsin boğulmasıdır.
Rəy yaz