Sentyabrın 24-də səhər saatlarında AXCP Sabirabad şöbəsinin həbsdə saxlanan funksioneri, partiyanın Ali Məclisinin üzvü Sahib Rüstəmlinın oğlu Rail Rüstəmli polisə aparılıb.
Bu haqda partiyanın mətbuat xidməti məlumat yayıb.
Xəbərdə deyilir ki, polis əməkdaşları R.Rüstəmlini rəsmi çağırış olmadan evdən aparıblar.
«Rail Rüstəmlinin durumundan ciddi narahatıq. O, neçə gün idi, hüquq-mühafizə orqanları tərəfindən sərt formada hədələnirdi. Rail onları ictimailəşdirməyib, lakin onların bir çoxu qeydə alınıb saxlanılır», - partiyanın məlumatında bildirilir.
Partiya bəyan edir ki, R.Rüstəmli AXCP üzvü olduğuna, atasının haqsız həbsinə etiraz etdiyinə, sosial şəbəkələrdə fəallığına görə saxlanıb.
«Rail Rüstəmli atasının həbsinin hüquqi davasını aparır, bu işi məhkəməyə hazırlayırdı. Bütün bundan xəbərdar olan yerli polis ona açıq təhdidlər yağdırır, sakitləşməsə, həbs və başqa tədbirlər görüləcəyini bildirirdi», - partiyanın açıqlamasında qeyd olunur.
AXCP R.Rüstəmliyə işgəncə verilməsindən də narahatlığını ifadə edib.
Sabirabad rayon Polis İdarəsindən R.Rüstəmlinin saxlanmasını şərh etməyiblər.
R.Rüstəmlinin atası Sahib Rüstəmli Demokratik Qüvvələrin Milli Şurasının sentyabrın 17-də keçirdiyi icazəli mitinqdən sonra həbs edilmişdi. Ona 15 sutka inzibati həbs cəzası verilib.-0-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz