Həcc ziyarətilə bağlı kvota hələ tam dolmayıb

Qafqaz Müsəlmanları İdarəsi (QMİ) bu il Həcc ziyarətinə getmək istəyən zəvvarlara müraciət ünvanlayıb.

Müraciət ziyarətlə bağlı sənəd qəbulunun vaxtı ilə bağlıdır və sənəd qəbulunun avqustun 20-də yekunlaşacağı bildirilir. İdarə bildirib ki, həcc ziyarətilə bağlı Azərbaycn üçün ayrılan 2400 yerlik kvota hələ tam dolmayıb.

Zəvvarlardan sənəd qəbulu üçün pasport, şəxsiyyət vəsiqəsinin surəti, 3x4 sm ölçüdə 4 ədəd fotoşəkil, sağlamlıq haqqında arayşı tələb edilir. Şənəd qəbulu QMİ-də aparılır. 

Həcc ziyatərilə bağlı sənəd qəbuluna fevralın 20-dən start verilib və bu il həcc ziyarətinə səfər sentyabrın 11-dən başlanır.

Hər il olduğu kimi, bu il də zəvvarların daha yaxşı otellərdə, 4 nəfərlik otaqlarda qalmaq, bahalı yeməklərlə təmin olunmaqla 5750 dollara, nisbətən ucuz şəraitli, 6 nəfərlik otaqlarda qalmaq 4700 dollara başa gələn seçim etmək kimi iki variantları var.

QMİ bunu da bildirir ki, Yaxın Şərq ölkələrində baş verən hadisələrlə bağlı ziyarətə gediş ancaq təyyarə vasitəsilə mümkündür və ziyarət xərcləri dollarla aparılır.-05D-