![Həlak olmuş britaniyalının ailəsi: Azərbaycanda yol hərəkətini təkmilləşdirin](https://turan.az/resized/750/500/resize/media/2016/main/042500153988.jpg)
Həlak olmuş britaniyalının ailəsi: Azərbaycanda yol hərəkətini təkmilləşdirin
Azərbaycanda yol hərəkətini təkmilləşdirin.
Bu çağırışla ötən il Bakıda YNH-də həlak olmuş britaniyalının ailəsi Azərbaycan hökumətinə və “Formula-1” yarışlarının prezidenti Berni Eklestona müraciət edib.
23 yaşlı britaniyalı Mikaç Maksvel-Miln Avropa Olimpiya Oyunları zamanı Bakıda prodakşn qrupunun üzvü kimi işləyirdi. Onun içərisində olduğu avtomobil gecə növbəsindən qayıdarkən mikroavtobusla toqquşub, xəbəri “Azadlıq” radiosu yayıb.
Maksvel-Milnin anası deyir ki, “Formula-1” rəhbəri Eklekston və rəsmi şəxslər yol hərəkətinin təhlükəsizliyi üzrə maarifləndirmə işləri həyata keçirməlidirlər.
Cenifer Maksvel-Miln deyir ki, Bakıda guya sürücü vəsiqələrinin küçədə satıldığını eşidib. Onun fikrincə, bu ölkədə Azərbaycana səyahət edənlərin təhlükəsizliyinin təmin edilməsi üzrə böyük işlər həyata keçirilməlidir.
Ailə Britaniya XİN-in tövsiyələrinə istinad edir. Bu tövsiyələrdə deyilir ki, ölkədə maşınların əksəriyyəti pis vəziyyətdədir və sürücülük standartları pozulur. “Çox vaxt qəzalar baş verir, əsas səbəb avtomobilin pis idarə olunması, yol hərəkəti qaydalarına daim riayət olunmamasıdır”.
ÜST-ün 2015-ci il üçün hesabatına əsasən, Azərbaycanda 100 min nəfərdən 10-u qəzalarda həlak olur. Böyük Britaniyada bu rəqəm 2,9 təşkil edir.
Xanım Maksvel-Miln həmçinin birinci ledi Mehriban Əliyevaya yazaraq, onu dəyişikliklərə çağırıb: “Biz cənab Eklekstonu və “Formula-1” yarışlarının azarkeşləri də daxil olmaqla, minlərlə turistin təhlükəsizliyinə görə məsul olan şəxsləri idmanın nüfuzunu və əhəmiyyətini nəzərə alaraq, yol hərəkətinin təhlükəsizliyi qaydalarını gücləndirməyə çağırır.
Mikroavtobus sürücüsünə qarşı təhqiqat zamanı Mikaçın valideynlərini vəkil Kler Kembel təmsil edir. “Bu, faciədir. Yol qəzasında 23 yaşlı istedadlı, valideynlərinin, bacısının çox sevdiyi, karyerasında nüfuz qazanmış gənc həlak olub”, deyə vəkil bildirib. -0-
-
- İqtisadiyyat
- 25 Aprel 2016 14:03
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz