![Heydər Əliyevin heykəlinə qarşı Meksikada narazılıq](https://turan.az/resized/media/2012/main/100300013426-750-500-resize.webp)
Heydər Əliyevin heykəlinə qarşı Meksikada narazılıq
Heydər Əliyevin Mexiko şəhərindəki Reforma meydanında Mahatma Qandi, Abraham Linkoln və Meksikanın milli qəhrəmanları ilə yanaşı duran böyük heykəli şəhərin bəzi sakinlərini qəzəbləndirib.
Heykəli təqdim edən lövhədə deyilir ki, Azərbaycanın mərhum lideri "ana vətənə sonsuz bağlılığın, dünya sülhünün universal ideyalarına sədaqətin parlaq nümunəsi"dir, Associated Press agentliyi yazır.
Mexikoda dərc olunan Reforma qəzeti etiraz nümayişindən hazırladığı videonu Məlumatda deyilir ki, Azərbaycanın mərhum "avtoritar liderinə" stalinsayağı bürünc heykəl avqust ayında qoyulub və Əliyev bürünc kürsüdə, Azərbaycanın mərmərdən xəritəsinin qarşısında oturub.
KlikləyinYouTube videopaylaşma saytınayerləşdirib.
Videoda həmçinin Azərbaycan şəhərlərinin adlarının mərmər xəritəyə döyülməsi göstərilir.
18 yaşlı tələbə Miguel Angel Mendoza AP müxbirinə deyib: "Niyə yaxşı bir iş görən adamın heykəlini qoymurlar?"
"Belə məlum olur ki, Azərbaycan Mexikoda həm də bir deyil, iki parkın yenilənməsi işlərinə 65 milyon peso (5 milyon dollar) ayırıb və bu, ona hər iki parkda istədiyi heykəli qoymaq imkanı verir", - yazıda deyilir.
"Tənqidçilər deyir ki, müxalifətin səsini boğan Əliyev Mexiko və xarici qəhrəmanların heykəllərilə bəzədilmiş bulvarda olmamalıdır", - müəllif əlavə edir.
Daniel Gershenson insan haqları fəalıdır, ötən həftə heykəlin qarşısında nümayiş edənlərdən biridir, əlində "Diktatordan yaxa qurtarın!" şüarını tutub, yazıda deyilir.
"Yəqin ki, onlarda (Azərbaycanda) belə şeylərdən anbar dolusu var" - Gershenson deyib.
Gershenson özü heykələ qarşı nümayişinə çıxmasını BBC Azərbaycancaya təsdiqləyib.
"İnsanlar bura gəlir, parkı xoşlayırlar, düzdür, amma onlar bu adamın kim olduğunu bilmirlər" - 33 yaşlı arxitektor Brenda Torres bu fikirdədir.
"Düşünmürəm ki, bu, (Heydər Əliyevə heykəl qoymaq) yaxşı ideyadır. Amma biz, meksikalılar nə deyə bilərik axı? Dilimizi dişləyib oturmalıyıq, çünkü bütün bu işlər onların pulu ilə görülüb", - parkın yaxınlığında maşın yuyan işləyən Jose Romeo BBC News-a deyib.
Yazıda Azərbaycanın Mexikodakı səfiri İlqar Muxtarovdan sitat gətirir: "Bu heykəl heç kəsin reputasiyasını yaxşılaşdırmaq niyyəti daşımır, çünki dünyanın Heydər Əliyev qavrayışının müdafiəyə ehtiyacı yoxdur".
Yazıda həmçinin ikinci parkdakı heykəldən danışılır və onun Xocalı qurbanlarına həsr olunduğu xatırladılır və deyilir ki, Mexikoda bəzilərinin fikrincə, polisin işgəncə mərkəzi kimi istifadə olunmuş bu ərazidə əzab çəkmiş meksikalılara heykəl qoymaq daha yaxşı olardı.
Mexiko Meri Marcelo Ebrard heykəlin açılış mərasimində deyib: "Biz Azərbaycan Respublikasına minnətdarıq, çünki həqiqət budur ki, indiyə kimi xarici hökumətdən bu böyüklükdə investisiya almamışıq".
Mexiko meri Marcelo Ebrardın ofisi hələ ki, bu barədə açıqlama verməyib.
Kanadanın Niagara-on-the-Lake şəhərində Heydər Əliyev və birinci lediKlikləyinMehriban Əliyevanın büstləri bu yaxınlarda şəhər meriyasına aid ərazidən qaldırılıb.
http://www.bbc.co.uk
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz