Bakı /22.04.19/Turan: İki azərbaycanlı qənc Yasin Quliyev və Cavid Əlizadə xarici universitetlərdə oxumaq üçün 56 min və 74 min ABŞ dolları məbləğində təqaüd qazanıblar. Həmin təqaüdü onlara oxuduqları ali məktəblər tam şəkildə ödəyəcək.
"Azərbaycanda çox istedadlı, bilikli gənc çoxdur". Bunu Turan-a deyən xarici təhsil üzrə ekspert Bahar Hacızadə hesab edir ki, biz aysberqin, sadəcə, yuxarı hissəsini görürük: "Sadəcə, nüfuzlu xarici universitetlərə qəbul üçün uşaq ingilis dilini çox yaxşı bilməlidir, müəyyən imtahanları verməlidir, bunun üçün isə çoxlu pul lazımdır. Ona görə də istedadlı məktəblilərin çoxu keyfiyyətli təhsildən kənarda qalır".
Bu məsələdə dövlətin rolunu qeyd edən ekspert deyib ki, mütləq xaricdə təhsillə bağlı Dövlət Proqramı həyata keçirilməlidir: "Belə proqram var idi, amma dayandırıldı. Məncə, onu davam etdirmək üçün dövlətin vəsaiti çatmadı. Həmin proqram həm bakalavr, həm magistr və hətta PhD (fəlsəfə doktoru - red.) təhsil pilləsinə yüksəlmək istəyənlər üçün nəzərdə tutulmuşdu. Fikrimcə, Dövlət Proqramı daha çox magistr təhsilini almaq istəyənlərə şamil olunmalıdır. Çünki bakalavriatda təhsil müddəti 4 ildir və bu, çox bahadır. Sonra isə dövlət hesabına oxuyan şəxs Azərbaycana qayıtmır və nəticədə ölkə itirir. Bakalavrlar özləri- özlərinə proqram axtarıb tapmalıdırlar".
.Hacızadə hesab edir ki, dövlət tələbələri konkret ixtisas üzrə oxumaq üçün göndərməlidir: "Dövlət qurumları gələcəkdə Azərbaycana lazım olan, inkişaf edən peşələri araşdırıb həmin peşələr üzrə peşəkar kadrları hazırlamaq üçün tələbələri xaricə göndərilməlidir. Bundan əlavə, xaricə göndərilən tələbələrlə dövlət müqavilə bağlamalıdır ki, oxuyub bitirəndən sonra onlar Azərbaycana qayıtsınlar və bir müddət burada işləsinlər. Məzunlar üçün dövlət qurumlarında iş yerləri hazır olmalıdır ki, onlar öz biliklərini praktikada tədbiq etsinlər. Məsələn, Qazaxstanda belədir".
Xatırladaq ki, əvvəlki illərdə xaricdə təhsil almaq istəyən azərbaycanlı qənclər "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"ndan yararlana bilirdilər. 2016-cı ildən proqrama fasilə verilib və yeni proqramın hazırlamasının anonsu verilsə də qəbul olunmayıb. Həmin proqram çərçivəsində 8 il ərzində 3558 tələbənin adı təqaüdçülər siyahısına daxil edilib.--0--
Cəmiyyət
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
Rəy yaz