Bakı/22.01.18/Turan: "Sumqayıt Gənclərinin Hüquqi Maarifləndirilməsi" İctimai Birliyinin rəhbəri və "Yüksəliş naminə" qəzetinin baş redaktoru Elçin Məmməd hüquq-mühafizə orqanlarının ona təzyiq etdiyini bildirib.
Ötən həftə o, Respublika Prokurorluğunun Ağır Cinayətlərə dair İstintaq İdarəsində 2014-cü ildə QHT-lərə qarşı başlanmış cinayət işinin davamı üzrə yenidən dindirilib.
"Ancaq hüquq-mühafizə orqanlarının heç bir arqumenti olmadığından başqa taktikaya əl atıblar. Belə ki, özünü Bülbülə qəsəbə sakini kimi təqdim edən Aygün Əmiraslanova vergilər nazirinə ərizə ilə müraciət edib. Ərizədə qeyd olunur ki, mən vətəndaşlara hüquqi yardım göstərirəm, ancaq vergi orqanlarında qeydiyyatda deyiləm və vergi ödəmirəm", - o, Turan-ın müxbirinə bildirib.
Qadın AXCP üzvü olan E.Məmmədə qarşı tədbir görülməsini xahiş edir.
"Müraciətdən görünür ki, mənim hüquq- müdafiə fəaliyyətimdən narahatdırlar. Məktubun məzmunundan bunun hüquq-müdafiə fəaliyyətimlə əlaqədar mənə qarşı siyasi xarakterli ittiham olduğu məlum olur", - E.Məmməd bildirib.
O, həbsinə hazırlıq getdiyini düşünür. E.Məmmədov vergi ödəməməsi barədə ittihamları rədd edir.
"Biz, ictimai təşkilat olaraq vətəndaşlara könüllü və təmənnasız hüquqi yardım göstəririk. Odur ki, vergi qeydiyyatına ehtiyac yoxdur. Əvvəllər qrant alanda isə vergiləri ödəmişik", - o bildirib.
Vergilər Nazirliyindən şərh almaq mümkün olmayıb.-06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz