İlahiyyatçının apellyasiya şikayəti təmin edilməyib
Bakı/25.09.17/Turan: Sentyabrın 25-də Şirvan Apellyasiya Məhkəməsi hakim Rafiq Cəfərovun sədrliyi ilə ilahiyyatçı Sərdar Babayevin Masallı rayon Məhkəməsinin hökmündən verdiyi şikayəti təmin etməyib. Bu barədə vəkil Cavad Cavadov Turana bildirib.
S.Babayev bu il fevralın 22-də saxlanılıb. O Cinayət Məcəlləsinin 168.1 (dini ayinlər adı altında insanların hüquqlarına qəsd etmək) maddəsi ilə ittiham edilib. Masallı rayon Məhkəməsinin hokum ilə ilahiyyatçını 3 il azadlıqdan məhrum edilib.
İttihamda deyilir ki, S.Babayev xaricdə dini təhsil alıb, Azərbaycanın mövcud qanunlarıonun dini mərasim idarə etməsinə icazə vermir.
İlhaiyyatçı ittihamı qəbul etmir, yerli hakimiyyət orqanlarının sifarişi ilə həbs edildiyini bildirir.
Müdafiə tərəfinin fikrincə, S. Babayev qanunvericiliyə həmin məhdudlaşdırıcı maddə əlavə edilməzdən öncə xaricdə dini təhsil alıb. Eyni zamanda, Qafqaz Müsəlmanları İdarəsində vəzifə tutan bir çox şəxslər də xaricidə dini təhsil alıb. Üstəlik, həmin məhdudlaşdırıcı maddə bu ilin mayında yumşaldılıb. Artıq xaricidə dini təhsil alanlar da Qafqaz Müsəlmanlar İdarəsinin razılığından sonra ölkədə dini mərasimlər apara bilər.
Vəkilin sözlərinə görə, bu gün Şirvan Apelyyasiya Məhkəməsinə gedən bütün küçələr bağlanılıb.
"Əvvəlcə, biz müdafiəçiləri, -Yaıçın İmanov və məni də məhməyə buraxmırdılar. Sonra bizim iradlarımızdan sonra məhkəmə zalına ilahiyyatçının yalnız 5-6 qohumu buraxıldı", o qeyd edib.
Vəkillər etiraz əlaməti olaraq məhkəmədə çıxışdan imtina edib.
"Sərdar Babayev isə çıxışında ittihamın tam əsasız və həbsinin qanunsuz olduğunu bildirdi. O məhkəməyə həm dedi ki, onu bu ittihamla həbs etmələrindən çox şaddır", vəkil qeyd edib.
Cavad Cavadov məhkəmənin vəkillərin hər hansı vəsatətini təmin etmədiyini bildirib.
"Sərdar Babayev bu ittihamı törətsəydi belə həbs ittihama adekvat deyil. Məhkəmə ən azı həbs müddətini azaltmalı idi. Bunu da etmədi", Cavadov deyib.
Vəkillər kassasiya şikaəyti verəcək.
Xatırladaq ki, vəkillər sentyabrın 11-də keçirilən ilkin baxış iclasında Babayevin ev dustaqlığına buraxılması, ona ittiham verilmiş maddə ilə bağlı Konstitusiya Məhkəməsinə sorğu göndərilməsi, apellyasiya şikayətinə qismən istintaq aparılmaqla baxılması (əlavə şahidlərin dindirilməsi) haqda vəsatətlər qaldırıb. Eyni zamanda Sərdar Babayevin müdafiəçilərinin yanında əyləşməsinə icazə verilməsi istənilib. Hakim vəsatətlərin heç biri təmin edilməyib-03B- .
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz