Bakı/29.09.17/Turan: Sentyabrın 29-da 2 saylı cəzaçəkmə müəssisəsində vəkil Fuad Ağayevin müvəkkili İlqar Məmmədovla görüşünə icazə verilməyib.
Vəkilin Turan-a verdiyi məlumata görə, vəsiqəsini təqdim etdikdən sonra onu 50 dəqiqəyə yaxın gözlədiblər. Daha sonra sənədləri qaytarıblar və vəkil otağının məşğul olduğunu bildirib, bazar ertəsi gəlməyi tövsiyə ediblər. Vəkilin görüş üçün başqa otaq vermək təklifinə cəzaçəkmə müəssisəsinin rəhbərliyi cavab verməyib.
"Bütün bunlar vəkilin və İlqar Məmmədovun özünün hüquqlarının pozulması deməkdir, mənim istənilən vaxt müvəkkilimlə görüşmək hüququm var", deyə vəkil qeyd edib.
Penitensiar Xidmətdən şərh almaq mümkün olmayıb.
Xatırladaq ki, İlqar Məmmədov Azərbaycanda ən məşhur siyasi məhbuslardan biridir, Avropa Şurası və bir çox digər beynəlxalq təşkilatlar onun azad edilməsini tələb edir. Avropa İnsan Hüquqları Məhkəməsinin qərarlarına baxmayaraq, hakimiyyət onu hələ də həbsdə saxlayır. Buna görə Avropa Şurası Azərbaycan hakimiyyətinə qarşı sanksiyaların tətbiq edilməsi məsələsini qaldırıb. -02D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz