Açiq mənbələrdən foto.
Bakı/15.04.22/Turan: Azərbaycan Mənzil İnşaatı Dövlət Agentliyinin (MİDA) mənzillərinin elektron satışına qanunsuz müdaxilədə iştirak edən şəxslər məsuliyyətə cəlb olunub. Bu barədə Dövlət Təhlükəsizliyi Xidməti (DTX) və Mənzil İnşaatı Dövlət Agentliyinin (MİDA) mətbuat xidmətlərinin birgə məlumatında deyilir.
Bu il martın 30-da 442 mənzilin güzəştli satışı zamanı informasiya texnologiyaları sahəsində xüsusi kompüter proqram təminatlarından istifadə edilməklə mənzillərin seçimi prosesinə müdaxilə olub.
DTX ilkin araşdırmalar apararaq, Azərbaycan vətəndaşları Elçin Məmmədov, Ruslan Hacıyev, Firudin Hüseynov, Yunis Lətifzadə, Tərlan Abdullayev və Cavid Məmmədovun digərləri ilə əlbir olaraq ayrı-ayrı qruplar halında 2022-ci il martın 30-da MİDA-nın “Güzəştli mənzil” informasiya sisteminə qanunsuz müdaxilə etdiklərini müəyyən edib. Onlar ödəniş aldıqları şəxslərin yerinə mənzil almaq məqsədilə xüsusi proqram təminatı hazırlayıblar. Mənzillərin seçimi prosesinə qanunsuz müdaxilə ediblər, bununla da vətəndaşların hüquqlarına əhəmiyyətli zərər vurublar.
Həmin şəxslər təqsirləndirilən şəxs kimi cinayət məsuliyyətinə cəlb ediliblər. Araşdırmaların nəticələri barədə ictimaiyyətə əlavə məlumat veriləcəyi bildirilir. -05D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz