İnsan Hüquq və Azadlıqlarını Müdafiə Koalisiyası təsis edildi

Bur qrup QHT cümə günü RATİ-nin ofisində İnsan Hüquq və Azadlıqlarını Müdafiə Koalisiyasını təsis edib. 

Cəmiyyət fəallarından Rasim Əlizadə koalisiyaya müxtəlif isitiqamətlər üzrə fəaliyyət göstərən QHT-lərin daxil olmasına üstünlük verdiklərini deyib. Onun sözlərinə görə, bu halda koalisiya cəmiyyət həyatının müxtəlif sahələrində olan problemləri daha asan şəkildə üzə çıxara bilər. Koalisiya elm, təhsil, sahəsində araşdırmalar aparmağı da nəzərdə tutur. 

Koalisiya qanunların parlament səviyyəsində sərtləşdirilməsini, gənc siyasi fəalların həbslərini, məhkəmələrin yükcək cərimələr təyin etməsini, müstəqil qəzetlərə hücumları ölkədə insan haqlarının, ifadə və sərbəst toplaşmaq azadlıqlarının kəskin şəkildə pisləşməsi kimi dəyərləndirib. 

Koalisiyaya daxil olan qurumların siyasi partiyalarda təmsil olunmasına icazə verilmir və eləcə də koalisiya siyasi mübarizəyə qatılmır. Amma ölkədə insan haqları dairəsinin genişlənməsinə, bu tipli aksiyalara dəstək verməyə hazırdır. Bundan əlavə, koalisiya insan haqlarının qorunması sahəsində digər ictimai qururmlarla əməkdaşlığa hazır olduğunu bəyan edir.

Koalisiyanın idarə olunmasında bərabərlik prinsipinə üstünlük verilir. Belə ki, koalisiyaya daxil olan QHT-lərin hər birindən bir nəfər olmaqla qurumun fəaliyyətini idarə edən İdarə Heyətinə daxil olurlar. Koalisiyanı təsis edən QHT-lər iki ay ərzində qurumun Əsasnaməsini hazırlamağı nəzərdə tuturlar. 

Hələlik koalisiyaya 7 QHT daxildir. Bu QHT-lər ölkə ictimaiyyəti içində tanınmış ictimai qurumları sırasında deyil. -05C-