![İran yenə də narazılıq edir](https://turan.az/resized/750/500/resize/media/2013/main/072400043477.jpg)
İran xəbər portalı “arannews” Bakıda fəaliyyət göstərən İmam Xomeyni İmdad Komitəsinə bağlı “İmam Əli tibb klinikası” çərşənbə günü fəaliyyətini dayandırması haqda informasiya yayıb.
Səbəb kimi kinikanın lisenziya müddətinin uzadılmaması göstərilir.
İmam Xomeyni İmdad Komitəsi nümayəndəliyinin qapısına vurulan bildirişdə klinikanın fəaliyyətinin dayandırıldığı, icazə alınması üçün ölkənin əlaqədar qurumları ilə məsləhətləşmələrin getdiyi qeyd olunur.
Klinikanın fəaliyyətinin dayandırılması ilə bağlı Azərbaycana hədə-qorxu da gəlinir. Belə ki, Azərbaycan vətəndaşına pulsuz tibbi xidmət edən klinikanın bağlanmasının narazılığa səbəb olduğu vurğulanır.
İran tərəfi komitə və bu klinikanın Azərbaycana milyon dollarla ölçülən hümanitar yardım etməsini xatırladır.
Daha sonra xəbərdə Azərbaycan tərəfi komitəyə haqsız münasibətdə ittiham edilir. Belə ki, Azərbaycanda komitənin 30 il fəaliyyət göstərməli olmasına baxmayaraq, 2013-cü ildə Nazirlər Kabineti tərəfindən fəaliyyətinin dayandırıldığı qeyd edilir. Bundan əlavə, komitənin direktoru və müavininə Bakıya gəlməyə viza verilmir.
Azərbaycan tərəfi komitənin İran Milli Bankındakı hesabını dondurmaqda, oradan vəsait götürülməsinə mane olmaqda ittiham edilir. 2012-ci ildə komitənin rayonlardakı bəzi nümayəndəliklərinin fəaliyyəti dayandırılıb, Gəncə və Lənkərandakı nümayəndəlikləri təhdid olunub.
Daha sonra İran tərəfi Azərbaycanda Qərb və İsrail nümayəndəliklərinin fəaliyyət göstərməsini qeyd edərək Azərbaycanı İranı sıxışdırmaqda ittiham etməyə çalışır.
İran rəsmi Bakıya “can yandıraraq” Qərb təşkilatlarını müxalifətə yardımda suçlayır. Amma Azərbaycan tərəfin bu qurumlara qarşı addım atmamasına diqqət çəkilir.
Komitənin “xeyirxahlığına” baxmayaraq, nümayəndəliyin fəaliyyətinin dayandırılmasının “Azərbaycanda xalqın narazılığına səbəb olması” iddia edilirsı. “Bakının hərəkəti xalqın narazılığına səbəb olub və 20 il əvəzsiz yardıma təhqiramiz davranışla cavab verərlər?”deyə sual olunur.
Son olaraq Iran Azərbaycanda bəzi media və dairələrin bu dəstəyi gözdən salmaq məqsədilə İranın Ermənistana dəstək verməsi il bağlı İranın əleyhinə təbliğat aparılmaqda ittiham edilir.-05D-
-
- Cəmiyyət
- 24 İyul 2013 13:01
-
- İqtisadiyyat
- 24 İyul 2013 13:46
Cəmiyyət
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
"Gənc Qazilər" İB-nin Qəbələ rayon Filialının sədri, ikinci Qarabağ Vətən müharibəsinin iştirakçısı, Qazi Bəhram Nuruyev intihara cəhd edib. Vaxtında müalicəsinin düzgün aparılmaması və psixoloji durumunun yerində olmaması səbəbindən, dünən Qəbələ rayonunda özünü güllə ilə vurub.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
Rəy yaz