Açiq mənbələrdən foto.
Bakı/24.01.22/Turan: İrandan Azərbaycana narkotik maddə qaçaqmalçılığının qarşısı alınıb, Dövlət Sərhəd Xidməti bildirib.
Məlumata görə, yanvarın 22-də saat 19:45-ə yaxın naməlum şəxs Cəbrayıl rayonunun Şıxalıağalı kəndi yaxınlığında Azərbaycanın dövlət sərhədini pozub.
Sərhəd naryadı dərhal "həyəcan" komandası ilə qaldırılıb, xidmət zonası isə bağlanıb.
Sərhədçinin "Dayan!" əmrinə tabe olmayan pozuculardan biri qaranlıqdan istifadə edərək qaçıb gizlənib, digərini saxlamaq mümkün olub.
Saxlanılan şəxs İran vətəndaşı Əli Xudaverdi Əsədlidir (1985-ci ildə anadan olub).
Ondan 30 kiloqrama yaxın narkotik və psixotrop maddə, o cümlədən tiryək, heroin, marixuana, metadon-40 həbləri aşkar edilib. - 16B-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz