![İsmayıl Rəsulovun həbsi qanunsuzdur - vəkil](https://turan.az/resized/media/2016/main/082600166867-750-500-resize.webp)
İsmayıl Rəsulovun həbsi qanunsuzdur - vəkil
Vəkil Əsabəli Mustafayev bu gün Binəqədidəki cəzaçəkmə müəssisəsində hüquqlarını müdafiə etdiyi İsmayıl Rəsulovla görüşüb.
Vəkil bu barədə öz facebook səhifəsində yazıb.
Ə.Mustafayev İsmayıl Rəsulova verilən ittihamla razı deyil.
İ.Rəsulov dünən Qaradağ rayon məhkəməsinin qərarı ilə 30 sutkalıq inzibati həbs cəzası alıb.
Vəkil yazır: "Qeyd edim ki, İsmayıl bəy 2-ci qrup müharibə əlilidir. Şəkər xəstəsi olduğundan rejimlə qidalanmalı və vaxtlı vaxtında insulin iynəsini vurdurmalıdır. Əlbəttə, belə şəxsi inzibati həbsdə saxlamaq düzgün deyildir. Ən əsası isə qanun özü Rəsulova inzibati həbsin tətbiqini qadağan edir. Belə ki, Azərbaycan Respublikası İnzibati Xətalar Məcəlləsinin 30.2. maddəsində inzibati həbs tədbirinin tətbiq oluna bilməyəcək şəxslərin siyahısı verilmişdir. Belə şəxslərdən biri də 2-ci qrup əlildir. Rəsulovun təqsirləndirildiyi 535.1. (polisə müqavimət) maddənin sanksiyasında 200 manat cərimə və yaxud bir ayadək inzibati həbs cəzası nəzərdə tutulmuşdur. Məhkəmə qanunun tələblərinə əhəmiyyət vermədən 2-ci qrup müharibə əlilinə sanksiyanın ən yüksək həddini tətbiq etmişdir. Belə bir hadisə keçmişdə digər müharibə əlili - Babək Həsənovla da baş vermişdir. Həmin işin kommunikasiyası zamanı hökümət and-aman edirdi ki, Babəkin əlil olmasından məhkəmə xəbərsiz olub".
Mustafayev bu işi Avropa İnsan Hüquqları Konvensiyasının 7-ci maddəsinin (qanunsuz cəzalandırmamaq) pozuntusu kii qiymətləndirir. Vəkil Qaradağ rayon məhkəməsinin qərarından apellyasiya şikayəti verəcəyini də xatırladıb.
Eyni zamanda, Mustafayev AXCP üzvü Fuad Əhmədli ilə görüşə bilmədiyini yazır.
“Ağır Cinayətlərə Dair İşlər Üzrə İstintaq İdarəsinə səfər etdim. İdarədən Fuad Əhmədli ilə görüşməyə icazə məktubunu götürərək Dövlət Təhlükəsizliyi Xidmətinə getdim və məktubu təqdim etdim. Məlum oldu ki, sənədləşdirmə çox vaxt aparacaq və mən yalnız bazar ertəsi onunla görüşə biləcəyəm. Fuad tərəfdən əsas narahatçılıq tutulduqdan sonra ailəsi ilə əlaqə saxlaya bilməməsi, indiyə qədər tutulduğu paltardan istifadə etməsi, zəruri şəxsi əşyalar ilə təmin olunmamasından yaranıb”, deyə o yazıb.
Fuad Əhmədli barəsində “Fətullah Gülən”lə bağlı məhkəmənin qərarı ilə həbs qətimkan tədbiri seçilib. -16D-
Cəmiyyət
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
-
Sentyabr ayında havanın orta aylıq temperaturu iqlim normasına yaxın olacaq. Aylıq yağıntının miqdarı əsasən iqlim normasına yaxın, bəzi ərazilərdə isə normadan bir qədər çox olacağı ehtimal olunur.
-
Dövlət sərhədinin etibarlı mühafizəsinin təmin edilməsi, qeyri-leqal miqrasiyaya qarşı mübarizə sahəsində sərhəd mühafizə və əməliyyat-axtarış tədbirləri davam etdirilir.
Rəy yaz