Bu gün Şəki məhkəməsində İsmayıllı hadisələri üzrə zərərçəkənlərin və şahidlərin ifadə verməsi davam edib. Əsasən polis əməkdaşı Rəşad Əhmədov ifadə edib.
Lakin müttəhim İlqar Məmmədov etiraz edərək bildirib ki, R.Əhmədov zərərçəkən deyil və onun hər hansı xəsarət alması barədə tibbi rəy yoxdur.
Vəkil Fuad Ağayev yazılı şikayət verəcəyini bildirib. Sonra o, müttəhimlərin hüquqlarının müdafiəsinin mümkün olmadığını bəyan edib, belə ki, məhkəmə bütün vəsatətləri rədd edir, zalda iştirak edən şahidlər prokurorun sözü ilə hərəkət edirlər. Bununla əlaqədar vəkil məhkəmə heyətinə etiraz edib. Lakin hakimlər etirazı təmin etməyiblər və F.Ağayev “prosesin aparılmasına mane olduğu” üçün 220 manat cərimələnib.
Bundan sonra iclas davam edib. Fasilədə müttəhimlərdən biri Səxavət Səmədov Turan-ın müxbirinə bildirib ki, əvvəlki iclasda polis əməkdaşı Rauf Kərimov onun əleyhinə yalan ifadə verib. Buna etiraz olaraq yanvarın 10-na keçən gecə S.Səmədov özünü asaraq intihar etmək istəyib. Lakin kamera yoldaşı onu xilas edib.
Xatırladaq ki, İsmayıllı iğtişaşları ilə bağlı iş üzrə 18 nəfər müttəhimlər kürsüsündədir. Onların arasında REAL hərəkatının lideri İlqar Məmmədov və Müsavat Partiyası sədrinin müavini Tofiq Yaqublu da var. Onlar 2013-cü il yanvarın 23-24-də İsmayıllıda kütləvi iğtişaşların təşkilində və iştirakda ittiham olunurlar.–06D-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz