"Alfa Sığorta" ən iri təkrarsığorta şirkətlərindən biri olan “Gen Re” (General Reinsurance AG) ilə obliqator müqaviləsi bağlayıb.
Şirkətin məlumatında deyilir ki, “Alfa Sığorta” beynəlxalq əlaqələrin inkişafı işinə böyük əhəmiyyət verir. İnkişaf strategiyasının müddəalarını həyata keçirən, təkrarsığorta müdafiəsinin keyfiyyətinin yüksəldilməsi çərçivəsində anderraytinq işini təkmilləşdirən şirkət rəhbərliyi A sinfindən olan təkrarsığotrtaçılarla tərəfdaşlıq münasibətlərinin qurulmasına böyük önəm verir.
“Gen Re Berkshire Hathaway” şirkətlər qrupuna daxil olub, kapitalı 14 mlrd dollardır.
«Alfa Sığorta» şirkəti 1997-ci ildə təsis edilib. Yeganə təsisçisi və əsas səhmdarı «Texnikabank»dır. Şirkətin nizamnamə kapitalı 7,78 mln manatdır. Şirkət 35 sığorta növü üzrə xidmət göstərir. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz