![İstintaq gedir, nəticə isə yoxdur](https://turan.az/resized/./turan-750-500-resize.webp)
İstintaq gedir, nəticə isə yoxdur
“Ehtiyatda və İstefada olan Zabitlər” (EİZB) ictimai birliyinin rəhbəri Yaşar Cəfərli ona hücumla bağlı cinayət işinin davam etdirildiyini deyir.
İstintaq bu hücumda iştirakçı olan Elxan Qurban oğlu Hüseynovun Müdafiə Nazirliyi xəfiyyə kəşfiyyatında gizir olaraq çalışdığını müəyyən edib. Y.Cəfərli bu il aprelin 2-də basqına iki nəfər tərəfdən məruz qaldığını desə də, E.Hüseynov basqınçının tək olduğunu bildirir. E.Hüseynov Y.Cəfərliyə basqın etmədiyini, sadəcə toqquşduqlarını və aralarında mübahisə yarandığını deyib. Y.Cəfərli E.Hüseynovun istintaqa bu ifadəsini yalan adlandırıb. Y.Cəfərli iki şəxsin basqınına məruz qaldığını, ehtimal etdiyi üçüncü şəxsin isə bu iki şəxsi istiqamətləndirdiyini bildirib. İşi aparan müstəntiq üç dəfə hadisə baş verən məkanda olub, buradakı vətəndaşlarla söhbət edib.
Y.Cəfərli aldığı xəsarətlərlə bağlı aprelin 3-də tibbi ekspertizadan keçsə də, indiyə kimi xəsarətlərin dərəcəsi haqda özünə və ya vəkilinə informasiya verilmədini nəzərə çatdırıb. Bundan əlavə, istintaq saxlanılan şəxsə Cinayət Məcəlləsinin hansı maddəsilə cinayət işinə başlanması haqda zərərçəkəni və vəkilinə məlumatlandırmayıb. -05B-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz