![İstintaq prosesə dəxli olmayan şəxsi şahid kimi tanıyıb](https://turan.az/resized/750/500/resize/media/2015/main/051500116107.jpg)
İstintaq prosesə dəxli olmayan şəxsi şahid kimi tanıyıb
Cümə günü Bakı Ağır Cinayətlər üzrə məhkəmədə AMAY şirkətinin rəhbəri Abdulla Abdullayev və təqsirləndirilən daha 5 şəxs üzərində növbəti məhkəmə prosesi keçirilib.
Bu günkü məhkəmə prosesində şahidlər dindirilib. Şahidlər əsasən “Texnikabank”dan, Beynəlxalq Bankdan və Sahibkarlığın İnkişafına Kömək Fondundan götürülən kreditlərin xərclənməsi ilə bağlı olub. Kreditləri götürən firma rəhbərləri kreditləri görtürdüklərini, bu kreditlərin AMAY-a məxsus “Xətai” ticarət mərkəzinin tikintisinə və daha sonra dam örtüyünün bağlanmasına sərf edildiyini təsdiqləyiblər. Şahidlər bu kreditlərintəminatlı olduğunu, həmin kreditlərin alınması üçün AMAY-ın əmlakının girov qoyulduğunu nəzərə çatdırıblar. Vəkillər demək olar ki, bütün şahidlərə kreditlərin bağlanması, verilən kreditlərlə bağlı “Texnikabank”ın monitorinq aparmaq üçün müraciət edib-etməməsi sualları veriblər. Şahidlər də öz növbələrində ayrılan vəsaitlərin ticarət mərkəzinin tikintisinə xərcləndiyi, kreditlərin banklara ödəndiyi və “Texnikabank”ın monitorinq üşün firmalara müraciət etmədikləri cavabı veriblər.
Şahidlərdən Əmirağa Əmirov direktoru olduğu özəl “Qaradağ sement” zavodunun faliyyətinə həbs qoyulmasına etirazını bildirib. Həmin zavod 2013-cü ilə kimi A.Abdullyevin mülkiyyəti olub. 2013-cü ildə zavod satılıb. Ə.Əmirov bununla bağlı alqı satqı olması, rüsumların ödənməsi, zavodun heç kəısə borclu olmaması haqda sənədləri hakim Ə.Hacıyevə təqdim edib. 2014-cü ildə A.Abdullayevlə bağlı bu zavodun fəaliyyətinə həbs qoyulub. Ə.Əmirov bunu əsassız sayıb məhkəmə önündə həbsin lağğv olunması vəsatəti qaldırıb. Hakim Ə.Hacıyev Ə.Əmirova sənədləri notarial qaydada təsdiqlətməyi və sonra məhkəməyə müraciət etmək tövsiyyəsi verib.
İstintaqın məhkəməyə şahid kimi cəlb etdiyi İnqilab Kərimov bu prosesə cəlb edilməsinin səbəbini bilmədiyini deyib. Belə ki, İ.Kərimov hər hansı kredit alınmasında iştirak etməyib və bu məsələnin ona aidiyyatı yoxdur. Bununla belə istintaq onu şahid kimi tanıyıb. İ.Kərimovun məhkəməyə cəlb edilməsi səbəblərinin aydınlaşdırılması haqda vəkillərin hakim Ə.Hacıyevə müraciətinə hakim cavab tapa bilməyib və şahidə ifadəsinin başa çatdığını elan edərək yerində oturmasını tələb edib.
Daha bir maraqlı məsələ vəkil Osman Kazımovla müdafiə etdiyi A.Abdullayev arasında yaşanıb. O.Kazımov A.Abdullayevə Sahibkarlığın İnkişafına Kömək Fondundan kredit götürməsinə kimin tapşırıq verdiyini söyləməsi üzərində israr edib. “Mən nə zaman nə dediyimi və nə üçün dediyimi bilən adamam, Fomdda daha yaxşı bilirlək ki, bu kredit necə verilib”deyə A.Abdullayev suaıı cavablandırmaqdan imtina edib.
Bundan sonra hakim Ə.Hacıyev növbəti məhkəmə prosesini mayın 18-nə təyin edib
A.Abduyllayev 2014-cü ilin aprelində həbs edilib. Ona qarşı cinayət məcəlləsinin dələduzluq, dövlət vəsaitini külli miqdarda mənimsəmə, səalhiyyətindən sui-istifadə və “çirkli” pulların yuyulması ittihamları irəli sürülüb.-05C-
-
- Cəmiyyət
- 15 May 2015 15:12
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz