Jurnalist Anar Məmmədov BMCMİ-yə çağırılıb
Bakı/31.12.19/Turan: Criminal.az saytının redaktoru Anar Məmmədov dekabrın 30-da DİN Baş Mütəşəkkil Cinayətkarlıqla Mübarizə İdarəsinə (BMCMİ) çağırılıb.
A.Məmmədov Turan-a bildirib ki, idarədə deyiblər ki, çağırış onun barəsində şikayətin olması ilə əlaqədardır.
Ancaq “şikayət”ə keçməzdən öncə polisə qarşı “qərəzlilik”lə bağlı iddialar irəli sürüblər. “Dedim ki, polisə və ya başqa bir quruma qarşı qərəzim yoxdur”, -jurnalist deyib.
A.Məmmədovun sözlərinə görə, polis nümayəndəsi onun jurnalist Xədicə İsmayılova ilə “əlaqələri” ilə maraqlanıb.
“Bildirdi ki, guya mən İsmayılovanın vasitəsilə qrant alıram və həmin vəsaitlərin hesabına bizim nəşrin fəaliyyətini təmin edirəm. Mən dedim ki, İsmayılovaya bir həmkar kimi hörmət edirəm, amma şəxsən tanış deyiləm”, - A.Məmmədov bildirib.
“Şikayət”ə gəlincə, onlardan birini bir qadın göndərib. Videomüraciəti sayt bir ay öncə yayımlayıb.
Videomüraciət Youtube-dan götürülüb. Qadın hüquq-mühafizə orqanlarının özbaşınalığından və mülkiyyət hüquqlarının pozulmasından Azərbaycan prezidentinə şikayət edib.
Bir həftə sonra o, A.Məmmədovdan videonun silinməsini tələb edib.
Redaktor qadının problemin həlli ilə bağlı açıqlaması barədə məlumatı dərc edib, lakin video hələ də Youtube-da qaldığı üçün onu silməyib.
İkinci şikayət A.Məmmədovun öz saytında Salyan rayonunda bir qızın polis əməkdaşını bıçaqlaması barədə məlumatı dərc etməsilə bağlıdır.
“Guya mən bununla polisin işgüzar reputasiyasına xələl gətirdim”, -A.Məmmədov deyib.
Sonda ona xəbərdarlıq edərək sərbəst buraxıblar.
Öz növbəsində jurnalist Xədicə İsmayılova Facebook səhifəsində yazıb: “Əgər aydın deyilsə, bir daha bəyan edirəm. Qrant almıram, sayt açmıram, saytları idarə etmirəm”.
O güman edir ki, sınaq müddətinin son ilində onun barəsində yeni cinayət işi açmaq istəyirlər.
Qeyd edək ki, A.Məmmədov hazırda şərti cəza çəkir. Bu ilin mart ayında dövlət əleyhinə çağırışlar, vəzifə səlahiyyətlərindən sui-istifadə və vəzifə saxtakarlığı ittihamları ilə 2 il sınaq müddəti olmaqla 5,5 il azadlıqdan məhrum edilib.
Cinayət məsuliyyətinə cəlb edilməsinə criminal.az saytında Gəncə şəhərinin keçmiş icra başçısı Elmar Vəliyevə sui-qəsd cəhdinə dair yazının dərci səbəb.
Bir sıra beynəlxalq jurnalist təşkilatları, həmçinin ATƏT-in media azadlığı üzrə nümayəndəsi Arlem Desir A.Məmmədovun barəsində hökmü pisləyiblər. 16d06-
-
- Sual-cavab
- 30 Dekabr 2019 20:10
-
- Analitika
- 31 Dekabr 2019 02:00
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz