Cavid Şirəliyev
Jurnalist azadlığa buraxılıb
Bakı/25.04.18/Turan: Aprelin 24-də Gəncə Apellyasiya Məhkəməsi Cinayət Məcəlləsinin 63-ci maddəsini (Cinayətə görə müəyyən edilmiş cəzadan daha yüngül cəza təyin edilməsi) tətbiq edərək, "7gun.az" saytının baş redaktoru Cavid Şirəliyevin azadlığa buraxılması barədə qərar qəbul edib. Jurnalist məhkəmə zalından azadlığa buraxılıb.
Cavid Şirəliyev 2014-cü il senytabrın 1-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.
Gəncə Şəhər Ağır Cinayətlər Məhkəməsi jurnalisti hədələmək yolu ilə rüşvət tələb etmə ittihamı ilə təqsirli bilib və o, 2016-cı il mayın 22-də 5 il müddətinə azadlıqdan məhrum edilib.
Jurnalist ittihamı sifarişli hesab edir və məhkəmə prosesində təqsirinin sübuta yetirilmədiyini bildirib. Həbsindən üç il yarım keçəndən sonra Ali Məhkəmə təsdiq edib ki, ona qarşı tərtib olunan ittiham aktı qüsurludur və jurnalistlə bağlı ədalətli məhkəmə araşdırması aparılmayıb.
2017-ci ilin avqustunda cinayət işinə baxış yenidən apellyasiya instansiyasına qaytarılıb. Gəncə Apellyasiya Məhkəməsi Ali Məhkəmənin qərarından yeddi ay sonra 2018-ci ilin yanvarında işin təkrar baxışına başlayıb və 4 ay sonra aprelin 24-də jurnalisti azadlığa buraxıb. Şirəliyev uzun müddət Penitensiar Xidmətin müalicə müəssisəsində saxlanılıb. -03B-
-
- Siyasət
- 25 Aprel 2018 10:44
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz