Bakı/26.07.17/Turan: İyulun 25-də jurnalist Aytən Fərhadova Ağır Cinayətlərə dair İşlər üzrə İstintaq İdarəsində 4 saatadək dindirilib.
Onun sözlərinə görə, dindirmə həbsdəki jurnalist Əfqan Muxtarlı və "Meydan" TV İnternet resursuna qarşı açılmış cinayət işi ilə bağlı olub.
"Bundan əvvəl olduğu kimi (jurnalist əvvəllər də dindirilib) indi də ənənəvi suallar verdilər, amma bu dəfə suallar daha detallı idi. Əfqan Muxtarlı, "Meydan" TV ilə bağlı suallar oldu", - jurnalist istintaq sirri səbəbindən dindirilməsinin təfərrüatlarına varmayıb.
A.Fərhadova iş üzrə şahid qismində dindirilib.
Qeyd edək ki, bir müddət əvvəl həbsdəki jurnalist Əfqan Muxtarlınin cinayət işi "Meydan" TV-nin cinayət işi ilə birləşdirilib.
Bundan əvvəl jurnalistlər Aynur Elgünəş, İzolda Ağayeva, Sevinc Vaqifqızı, Aytac Əhmədova, Xədicə İsmayıl, İslam Şıxəli, Natiq Cavadlı, Müsavat Partiyasının keçmiş və indiki rəhbərləri İsa Qəmbər, Arif Hacılı və digərləri adıçəkilən cinayət işləri üzrə şahid qismində dindiriliblər.-0--
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz