“Turan Eli” qəzetinin və eyniadlı İnternet televiziyasının sahibi Mətləb Həsənli çərşənbə axşamı RATİ-də məmur özbaşınalığı ilə bağlı mətbuat konfransı keçirib.
“Turan Eli” İnternet-tv 4 aydan çoxdur ki, fəaliyyətə başlayıb və elə bu zamandan da Gəncə şəhər icra hakimiyyətinin başçısı Elmar Vəliyevin təzyiqlərinə tuş gəliblər. Buna səbəb isə adı çəkilən tv-də icra başçısının özbaşınalıqları ilə bağlı yayılan videosüjetlər olub. Bununla yanaşı, E.Vəliyevin tabeliyindəki insanlara kobud davranması, küçə söyüşlərilə söyməsi, hətta əl qaldırması kimi hallara yol verdiyi deyilib. Şəhər sakinlərinin əllərindəki əmlaka dair rəsmi sənədlər olmasına baxmayaraq, əmlakları dağıdılır, rüşvət baş alıb gedir. Bütün bunlarla bağlı video-süjetlər çəkilməsi və danışılması icra başçısının xoşuna gəlmir. M.Həsənliyə tənqidlərə son qoymadığı halda barəsində tədbir görüləcəyi xəbərdalığı edilib. Ona şəhəri, ölkəni tərk etmək təklif olunub. Gəncə şəhər rəsmiləri M.Həsənlinin qohumlarının hansı idərələrdə işləməsi, övladlarının hansı məktəblərdə oxuması ilə maraqlanıblar. M.Həsənli şəhər rəsmilərinin bu addımlarını tənqidlərə son qoydurmaq cəhdi adlandırıb. Amma tv tənqidlərə son qoymayıb. O, 2006-cı ildən fəaliyyət göstərən “Turan Eli” qəzetinin 5 ay öncə qapadıldığını nəzərə çatdırıb.
Bu il avqustun 16-da icra başçısı keçirdiyi iclasda şəhər prokuroru və polis rəisinə M.Həsənlini susdurmaq göstərişi verib. Avqustun sonunda M.Həsənliyə qarşı Cinayət Məcəlləsinin 221.1-ci (xuliqanlıq) maddəsilə cinayət işi qaldırılıb. Buna səbəb kimi isə Həcər Məmmədova adlı qadını döyməklərini göstərib. M.Həsənli adı çəkilən qadından müsahibə aldıqlarını deyib. Ona görə də bu ittihamı absurd adlandırıb. M.Həsənli bunu siyasi sifariş sayaraq, əsas məqsədin tənqidlərin qarşısını almaq olduğunu söyləyib. “Görünür, rəsmilər tənqiddən qorunmaq üçün jurnalistlərin zindana salınmasını ən optimal variant sayırlar, ona görə də buna əl atırlar”, - deyə M.Həsənli qeyd edib. H.Məmmədovadan ifadə alınıb, sentyabrın 11-də M.Həsənli ifadə vermək üçün Gəncə polisinə gedəcəyini söyləyib. -05C-
Cəmiyyət
-
Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Mülayim şimal-şərq küləyi əsəcək.
-
Azərbaycanda növbədənkənar parlament seçkilərindən beş gün keçib. Mərkəzi Seçki Komissiyası (MSK) protokollara yekun vurmasa da, bütün 125 dairə üzrə lider namizədlər açıqlanıb. Onlardan gözləntilər nədir?
-
Sentyabrın 7-də paytaxtda hava dəyişkən olacaq, yağıntı olmayacaq. Mülayim şimal-qərb küləyi əsəcək. Gündüz havanın temperaturu müsbət 25 + 29 dərəcə olacaq. Rütubət gecə 60-70, gündüz 40-45 olacaq.
-
Ölkənin ən sürətlisi “Bakcell”, 4 sentyabr tarixində Bakı Şəhər Halqası Əməliyyat Şirkəti ilə birgə jurnalistlər üçün səhər yeməyi təşkil edib. Görüşdə “Bakcell” və “Bakı Şəhər Halqası Əməliyyat Şirkəti” nümayəndələri Azərbaycanda keçiriləcək sürət yarışının əhəmiyyəti barədə ətraflı danışıb, media nümayəndələrini maraqlandıran sualları cavablandırıblar.
Rəy yaz