Komitə ilə Alyans arasında imzalanma ilə Fəlaiyyət Planı qüvvəyə minəcək

Dini Qurumlarla iş üzrə Dövlət Komitəsi (DQDK) ilə BMT-nin Sivilizasiyalar Alyansı (SA) arasında Fəaliyyət Planı üzərində ilkin razılıq əldə edilib. Bu xəbər Turana dini komitədən məlum olub. 

Bu razılıq komitə sədri Elşad İskəndərovla Alyans nümayəndəsi Nasser Əbdüləzizin fevralın 4-də İstanbul görüşündə əldə olunub. Fəaliyyət Planına razılığa qədər isə keçən ilin sentyabrında komitə ilə Alyans arasında Memorandum imzalanıb.

Fəaliyyət Planı iki qurum arasında mədəniyyətlər və dinlərarası dialoq, sülh təhsili və vətəndaş cəmiyyətinin gücləndirilməsi yönündə birgə layihələrin icrasını nəzərdə tutur. Uyğun prosedurlardan sonra Fəaliyyət Planının imzalanaraq qüvvəyə minməsi nəzərdə tutulur.   

Komitə sədri E.İskəndərov Alyans çərçivəsində həyata keçirilən bir çox tədbirlərə Azərbaycanın ev sahibliyi etdiyini nəzərə çatdırıb. Bu çərçivədə 2011-ci ildə Bakıda I Sivilizasiyalararası Forumun keçirildiyini xatırladıb. Mövcud qlobal probelmlər zəminində fərqli mədəniyyət və dinlər arasında dialoqun inkişafının vacibliyinə diqqət çəkilib.  

Alyansın ali nümayəndəsi Al-Nassir Azərbaycanla əməkdaşlıqdan məmnun olduğunu, Fəaliyyət Planında razılaşdırılan konkret layihələrlə daha da genişləndiriləcəyini vurğulayıb. Fəaliyyət Planında iki qurum arasında aparılacaq layihələr sülh, dialoq, tolerantlıq və din adamlarının intellektual əməkdaşlıq fəaliyyətlərinin təmin edilməsi ilə yanaşı, islam və türk dünyası mədəniyyətinin tanıdılmasını da nəzərdə tutur.-05D-