Bakı/29.08.19/Turan: Avqustun 28-də axşam Lənkəran rayonunun yüksək dağlıqərazisində "PAZ" markalı avtobusun (43-BA-455) qəzası nəticəsində 20 nəfərdən çox insan xəsarət alıb.
DİN-in məlumatına görə, qəzanın səbəbi avtobusun texniki cəhətdən nasaz vəziyyətdə olması olub.
Nəticədə, yol olmayan yerdə hərəkət edən avtobus aşıb və şəxsi evin həyətinə düşüb.
Hadisə yerinə gələn yol polisi əməkdaşları 22 sərnişinin Lənkəran rayonunun mərkəzi xəstəxanasına yerləşdirilməsini təşkil ediblər. Avtobusun sürücüsü Ələmdər Ağayev həlak olub.
19 nəfər yardım göstərildikdən sonra evə buraxılıb. 3 nəfər zərərçəkmişin xəstəxanada müalicəsi davam edir. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz