Londonun olimpiya qızılı Pekininkindən bahadır

London Olimpiadasının qızıl medalları 2008-ci ilin Pekin Olimpiadasının qızıl medalı ilə müqayisədə 227,8% və ya 3,28 dəfə bahalanaraq 708 dollar olub. Pekin Olimpiadasının qızıl medalının qiyməti 216 dollar idi. Bu barədə “Praym” agentliyinin "Vestnik zolotopromışlennika" nəşri məlumat verir.

Olimpiadalar arası LBMA birja meydançasında qızılın qiyməti 77,3% bahalanaraq 1 unsiya üçün 1622,4 dollar olub. 2008-ci ilin sonunda o, 915 dollar idi.

Çəkisi və qalınlığı

London Olimpiadasının qızıl medalları əsasən gümüş və misdən ibarətdir - 92,5% və 6,5%. Hər birinin üz örtüyü üçün 6 qram (0,19 Troya unsiyası) qiymətli metaldan istifadə edilib. Medalın diametri 85 mm, qalınlığı 7 mm, çəkisi 412 qramdır. Yay Olimpiya oyunları tarixində bu, ən ağır medaldır.

Peklin Olimpiadasının qızıl medalları, demək olar ki, tamamilə gümüşdən idi və 6 qram qızıl ilə örtülmüşdü. Diametri 70 mm, qalınlığı 6 mm, çəkisi 150 qram idi.

Amma Pekində gümüş və qızıl ilə yanaşı ilk dəfə metalların nefrit örtüyü də olub. Peklin Olimpiadasının medallarının bir üzündə əjdaha, digər üzündə qələbə ilahəsi, eləcə də 1896-cı ildə yeni dövrdə ilk dəfə keçirilən Olimpiya oyunları üçün yenidən tikilmiş Yunanıstanın Panatinaikos stadionu təsvir edilib.  

London üçün Rio Tinto

London Olimpiadasının 4,7 min medalının hazırlanması üçün 44,5 kq qızıl, 6 ton gümüş və bir neçə ton misi Avstraliya-Britaniya konserni Rio Tinto Group tədarük edib. O, dünyada ən iri mədən hasilat korporasiyalarından biridir.

Metalların çoxunu (99%) Rio Tinto-nun törəmə şirkəti olan Kennecott Utah Copper Corp şirkəti ABŞ-ın Yuta ştatında dünyada ən dərin Bingham-Canyon yatağından çıxarıb. Metalların cüzi hissəsini digər törəmə şirkət Ivanhoe Mines Monqolustanın Oyu Tolqoy yatağında hasil edib.

Olimpiya medallarının hazırlanması üçün istifadə edilən qızıl, gümüş və bürüncün ümumi qiyməti 7,3 mln dollar qiymətləndirilir. Bütün hasilat və istehsal xərclərini deyilən şirkətlər öz üzərinə götürüb.

Əvvəlcə müvafiq xəlitələr hazırlanıb, sonradan medallar Uelsdə Kral Sikkəxanasında zərb edilib.

Rio Tinto filizindən həmçinin 2002-ci il Solt-Leyk-Siti qış olimpiadasının qalib və mükafatçıları üçün mefdallar hazırlanıb.

Pekin üçün Вhp Billiton

Pekin Olimpiadasının medallarını dağ-mədən sənayesi üzrə digər dünya lideri - Avstraliya-Britaniya ВHP Billiton Ltd şirkəti hazırlayıb.

15 kq-a qədər qızıl Çilinin Escondida yatağında çıxarılıb. Gümüş (1,34 ton) Kvinslenddə (Avstraliya) Cannington müəssisəsində, mis (7 ton) Çilidə Spence yatağında çıxarılıb.

Çin qiymətli metallarının əsas həcmini 2007-ci ilin payızında qiymətlər bahalanan zaman alıb. 2004-cü ildə Afina Olimpiadası keçiriləndən qızıl iki dəfədən çox bahalanıb. Pekin medal istehsalına oktyabrda başlayıb.