Bu gün Masallı rayonunda ilahiyyatçı Sərdar Babayev həbs edilib. Bunu Turan-a onun vəkili Cavad Cavadov bildirib.
Onun sözlərinə görə, S.Babayevə qarşı cinayət işi hələ ötən ilin sonlarında Masallı Rayon İcra Hakimiyyəti başçısının müraciəti əsasında başlayıb.
Rayon administrasiyası bildirib ki, S.Babayev məsciddə qanunsuz namaz qılır, namaza rəhbərlik (pişnamaz) edir. S.Babayev İranda təhsil alıb ki, bu da qanunla qadağandır.
İstintaq hərəkətləri və üzləşmə zamanı S.Babayevin əleyhinə deyilənlər təsdiqini tapmayıb.
Bununla belə, ona qarşı CM-in 168.1-ci maddəsi (dini ayinlər adı altında insanların hüquqlarına qəsd etmək) ilə cinayət işi başlayıb.
Bu gün məhkəmə S.Babayevin barəsində həbs qətimkan tədbiri seçib.
Vəkil ittihamı və həbsi əsassız sayır. Eyni zamanda onun fikrincə, 168.1 “yüngül” maddədir, həbssiz də ötüşmək olardı.
“Digər tərəfdən, ilahiyyatçının həbsi 2017-ci ilin Azərbaycanda “İslam Həmrəyliyi” ili elan edilməsi ilə bir araya sığmır”, - vəkil vurğulayıb. 05B06-
Cəmiyyət
-
Çərşənbə axşamı paytaxtda hava yağışlı olacaq. Şimal-şərq küləyi gündüz cənub-şərq küləyi ilə əvəz olunacaq.
-
Ağdərə-Kəlbəcər yolunda ölümlə nəticələnən yol-nəqliyyat hadisəsi nəticəsində 4 nəfər ölüb, 1 nəfər yaralanıb.
-
Lider mobil operator yaşlı nəslin nümayəndələri arasında rəqəmsal savadlılığın artırılmasına töhfə verir “Azercell Telekom” MMC cəmiyyətin həssas qruplarının rəqəmsal savadlılığının artırılmasına yönəlmiş təşəbbüslərini həyata keçirməyə davam edir. Yaşlı nəslin nümayəndələrinin kibercinayətkarların əsas hədəf kütləsindən biri olduğunu nəzərə alan lider mobil operator sosial xidmət müəssisəsinin sakinləri üçün xüsusi təlim təşkil edib.
-
Həbsdə olan ictimai fəal, I qrup əlil Famil Xəlilov noyabrın 28-də yenidən aclıq aksiyasına başlayıb. O hazırda quru aclıq edir, su, dərman qəbulundan da imtina edib. Xəlilov “qanunsuz həbsinə” etiraz edir. Bu barədə Famil Xəlilovun həyat yoldaşı Kiçikxanım Xəlilova onunla dekabrın 1-də telefon danışığından sonra Turana deyib. “Famillə bu gün telefonla danışdım. O quru aclığı davam etdirdiyini, hətta dərmanlarının qəbulundan imtina etdiyini dedi. Bildirdi ki, dərman qəbul etmədiyindən gecələr yata da bilmir. Mənim yalvarışlarıma baxmayaraq o inadından dönmədi. Familə onun ev dustaqlığına buraxılması ilə bağlı verilən vədə noyabrın 28-də məhkəmədə əməl edilməməsi çox ağır təsir edib”, o qeyd edib.
Rəy yaz