![Masallıda seçkilərə inzibatı nəzərət](https://turan.az/resized/media/2015/main/110100134881-750-500-resize.webp)
Masallıda seçkilərə inzibatı nəzərət
Azərbaycan Respublikasının Prezidenti
cənab İlham Əliyevə
69 saylı Cəlilabad-Masallı-Biləsuvar
Seçki Dairəsindən Milli Məclis üzvlüyünə namizədlər
Nuriyev Daşqın Ağarza oğlu, Əliyev Bəybala Əşrəf oğlu,
Gözəlov Ağahüseyn Səfər oğlu, Nüseynov Murad Əli oğlu
tərəfindən
MÜRACİƏT
Cənab Prezident!
1 noyabr 2015-ci ildə Azərbaycan Respublikası Milli Məclisinə keçiriləcək seçkilər hər birimizdə böyük ümidlər yaratmışdı. Hesab edirdik ki, Azərbaycanda ali qanunverici hakimiyyətin yenidən formalaşması demokratiyaya doğru növbəti addım olacaq. Elə bu səbəbdən, Azərbaycan Respublikasının vətəndaşları olaraq bizlər də Milli Məclis seçkilərində iştirak edib, bu prosesə öz töhfəmizi vermək istədik. Lakin çox təəssüflər olsun ki, seçki kampaniyası dövründə 69 saylı Cəlilabad-Masallı-Biləsuvar Seçki Dairəsində baş verən neqativ hallar seçkilərin demokratik keçiriləcəyi ilə bağlı ümidlərimizi alt-üst etdi.
Hörmətli prezident!
69 saylı dairədə seçkiqabağı təşviqat kampaniyası birbaşa icra hakimyətinin nəzarəti altında və qanunsuzluq şəraitində baş verir. Belə ki, Rayon icra hakimyətinin tapşırığları əsasında kənd-qəsəbə icra nümayəndələri, eləcə də digər rəsmi şəxslər seçiciləri bu və ya digər qanunsuz yollarla (yalan vədlər verməklə, şantaj və təhdidlə) noyabrın 1-də VHP-dən olan namizəd, artıq bu dairədən 2 dəfə deputat seçilən Fəzail İbrahimliyə səs verməyə məcbur edirdilər. Hansı ki, bizə verilən məlumata görə, məntəqələr üzrə kimə nə qədər səs verilməsi haqqında yazılı göstəriş verilmişdir. Bütün bu qanunsuzluqlar indidən 69 saylı Cəlilabad-Masallı-Biləsuvar Seçki Dairəsində seçkinin nəticəsinin saxtalaşdırılacağını deməyə əsas verir.
Bundan əlavə oktyabrın 30-da Cəlilabad və Masallının icra başçıları bütün Məntəqə sədrlərini və kənd icra nümayəndələrini, orta məktəb direktorlarını toplayaraq, onlara VHP-nin namizədi Fəzail İbrahimlinin deputat “seçiləcəyi” haqda göstəriş verildiyi haqqında tam məlumatlıyıq.
Cənab Prezident!
Bütün bunlara əsasən, biz hesab edirik ki, 69 saylı Cəlilabad-Masallı-Biləsuvar Seçki Dairəsində baş verən bu neqativ hallar saxtakarlığın təntənəsi sayıla bilər. Odur ki, Dövlət başçısı kimi Sizdən bu saxtakarlıqda əli olanlar haqqında, seçki prosesinə, vətəndaşların sərbəst seçim hüququna müdaxilə edənlərin qarşısının alınmasına göstəriş vermənizi xahiş edirik.
Hörmətlə:
69 saylı Cəlilabad-Masallı-Biləsuvar Seçki Dairəsindən Milli Məclis üzvlüyünə namizədlər
Nuriyev Daşqın Ağarza oğlu
Əliyev Bəybala Əşrəf oğlu
Gözəlov Ağahüseyn Səfər oğlu
Nüseynov Murad Əli oğlu
-
- Cəmiyyət
- 1 Noyabr 2015 17:12
Cəmiyyət
-
Azərbaycan Respublikası Müdafiə Nazirliyi, Baş Prokurorluq, Daxili İşlər Nazirliyi və Minatəmizləmə Agentliyinin mətbuat xidmətləri məlumat verir ki, iyulun 19-da Kəlbəcər rayonunun Ağdaban kəndi ərazisində minalardan təmizlənməmiş ərazidə mina hadisəsi baş verib.
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
Rəy yaz