Media-icmal 18.04.2016

Ölkədə iqtisadi islahatlar, hökumətin xaricdə təhsilə münasibəti, Azərbaycanın Avstraliya səfirliyinin bu hökumətə müraciəti, valyutadəyişmə sahəsində durun medianın  aparıcı mövzusudur.

“Azərbaycan” qəzeti “İqtisadi və struktur islahatları ilkin uğurlu nəticələr verir” adlı məqalədə ölkədə iqtisadi sahədə islahatlarla bağlı qəbul edilən qərarlar barədə danışılır. Müəllif qeyri-neft, aqrar sektorun inkişafı, sahibkarlıq sahəsində neqativlərin qarşısının alınması üçün Apellyasiya şuralarının yaradılması, yeni qurumların formalaşdırılmasını nəzərə çatdırır.

Məqalədə bu sahədə islahatların davamlı olacağı belə ifadə edilir və deyilir: “Təbii ki, islahatlarla bağlı atılan addımlar bununla bitmir. Lakin bütövlükdə bu ilin birinsi rübündə görülən işlər təsdiq edir ki, dünya iqtisadiyyatında baş verən proseslərlə əlaqədar  ölkə iqtisadiyyatının dayanıqlığının daha da möhkəmləndirilməsi üçün prezident İlham Əliyevin islahatlar siyasəti çərçivəsində çevik idarəetmənin təşkili, biznes mühitinin yaxşılaşdırılması,  investisiyaların təşviqi və qeyri-neft məhsullarının ixracının stimullaşdırılması sahəsində əhəmiyyətli qərarlar qəbul edilib”. 

Hökumətin xarici təhsil qorxusu

“Azadlıq” qəzeti “Hakimiyyət xaricdə təhsildən niyə qorxur”? sərlövhəli məqalədə hökumətin xaricdə təhsil məsələsini dayandırmasının səbəblərinə toxunur.

Məqalədə ali məktəblərdə qəbul imtahanlarında göstərilən aşağı nəticələri, müəllimlərin vacant yerləri tutması müsabiqələrində suallara cavab verə bilməmələri, elm və təhsilə ayılan büdcə vəsaitlərinin cüzi olmasını ölkədə təhsilin çökməsi səbəbləri sırasında göstərir. Təhsil haqlarını ödəyə bilmədiklərinə görə 17 min tələbənin təhsildən kənarda qalması da bura əlavə edilir. 

Məqalədə rəsmi Bakının təhsilə münasibəti belə ifadə edilir: “Göründüyü kimi, mənasız layihələrə milyardlar xərcləyən hökumə, ən mühüm sahəyə məqsədli şəkildə ögey münasibət sərgiləyir. Gücləri ancaq təhsilə çatır, təhsilə qənim kəsiliblər. Bu qədər mənasız strukturlar, səmərəsiz xərclər kənarda qalıb, təhsilin üzərinə hücuma keçiblər”.

Məqalədə gənclərin Avropada təhsil almasında hökumətin maraqlı olmadığı vurğulanır. “Çünki Avropa təhsili görmüş gəncin düşüncəsi, dünyagörüşü, baş verənlərə münasibəti dəyişir. Ölkədə hansı eybəcərliklərin baş verdiyini, hökumətin talançılığını aydın şəkildə görür. Hökumət ayıq, öz haqlarını bilən, haqqını tələb edən gənclərin yetişməsini istəmir. Ancaq bir qrup məmurun övladı oxumalıdır, ölkənin sərvətini talan edənlərin ətrafı savadlanmalıdır.Əlacları olsa Avropada təhsil alan gənclərin ölkədə işlə təmin olunmaması ilə bağlı qərar verərlər”.

Məqalədə bu halın yaranması hakimiyyətdəkilərin qorxu hissılə izah edilir. “Yekun nəticə budur ki. hökumət xaricdə təhsil alanlardan qorxur. Savadlı gəncliyi hakimiyyətləri üçün təhlükə hesab edirlər. Hər bir xaricdə təhsil alan gənc cəmiyyətdə müsbət təbliğatın aparılması, insanların maarifləndirilməsi deməkdir. Hökumətə isə bu lazım deyil”.

Bu müraciətin mənası nə?

“Novoye Vremya” saytı  Avstraliyanın aparıcı “The Age” qəzetinin buradakı Azərbaycan səfiri Rövşən Cümşüdov və mühasibi Araz Xasıyevin Avstraliya hökumətinə rüsum ödəmədən ölkəyə iri həcmdə spirtli içki və siqaret gətirmək kimi qəribə sorğusu haqda məqalə dərc etdiyini yazır. 

Daha sonra səfirin spirtli içki və siqaret kimi qanunsuz biznesi haqda ilk dəfə 2015-ci ildə məlum olduğu  və bu haqda səfirliyin keçmiş əməkdaşı, Azərbaycana qayıtmaqdan imtina edən, Kanberradan sığınacaq istəyən Anar Həsənovun açıqlama verməsinə diqqət çəkilir. O zaman Anar Həsənov demişdi: “Məni ona görə Azərbaycanın Avstraliya səfirliyində səfirin qanunsuz spirtli içi və siqaret biznesi kimi korrupsiya faktının üstünü açmışam”.

İndi isə “The Age” yazır: “Bizim əlimizdə sənəd var ki, R.Cəmşidov və Araz Xasiyev öz diplomatik statuslarından Avstraliya hökumətindən ölkəyə rüsumsuz 2000 litr pivə, 1100 litr çaxır, 520 lirt spirt və 40 min qutu siqaret gəitrmək icazəsi almaq üçün istifadə ediblər”.

Qəzet bir tərəfdən Avstraliya hökumətinin göstərilən həcmdə ölkəyə spirt və siqaret gətirilməsinə icazə verdiyini bildirir, digər tərəfdən müsəlman ölkəsindən olan azsaylı missiyanın bu həcmdə spirt və siqaretə nə ehtiyacı olduğu sualın gündəmə gətirir.

Avstraliya jurnalistləri də diqqəti bu məsələyə yönəldiblər. Belə ki, onlar bu qədər spirt və siqaretin “qara bazar”da peyda ola biləcəyini bildirirlər.                  

Bu məsələ ilə bağlı Avstraliya jurnalistlərinə açıqlama verən A.Xasıyev deyir: “Səfirliyin ölkəyə alkoqol və siqaret idxalı ilə bağlı icazə almaq müraciəti, bu malların hələ ölkəyə gətirilməsi demək deyil. “Yoxsa, siz elə düşünürsünüz ki, mən o qədər içib sonra da işləməyə davam etməliyəm?”.

Bakının hər rayonunda 4 məntəqə olsun

Keçən il 21 dekabr devalvasiyasından sonra valyutadəyişmə sahəsində möhtəkirlik arta bilər adı ilə valyutadəyişmə məntəqələri bağlandı, bununla da şənbə bazar-günləri əhali valyutadəyişmə problemləri yaşamağa başladı. İndi isə bu məntəqələrin yenidən fəaliyyətə başlaması məsələsi müzakirə edilir. Bu haqda “Yeni Müsavat” qəzetində dərc edilən “Valyutadəyişmə məntəqələri bərpa edilıəcək?” adlı məqalədə deputat və ekspertlər bu məsələni dəyərləndirirlər.

Deputat Vahid Əhmədov bu məsələyə münasibətdə bir qədər fərqli düşünür. “Mənim təklifim budur ki. valyutadəyişmə imkanı verən bankomatlar yaradılsın. Xaricə olduğu kimi insanlar həmin bankomatlar vasitəsilə istənilən valyutanı dəyişə bilsinlər”. V.Əhmədov Milli Məclisdə bank rəhbərlərilə keçirilməsi gözlənilən görüşdə bu məsələ haqqında danışılıcağını istisna etməyib.

Ekspert Vüqar Bayramlı isə valyutadəyişmə məntəqələrinin ləğvinin “qara bazar” yaratdığını deyir. Valyuta ilə bağlı ajiotaj dövrü başa çatdığı üşün ekspert bu məntəqələrin bərpası vaxtının gəldiyi düşüncəsindədir. 

“Mənim düşüncəmə görə, Bakının hər rayonunda 4 məntəqənin fəaliyyətinə icazə verilməlidir, Mərkəzi Bank və Maliyyə Bazarlarına Nəzarət Palatası hər rayonda 4 valyutadəyişmə məntəqəsinin fəlaliyyətinə lisenziya verməlidir”.

Rəy yaz

Cəmiyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti