Аслан Исмайлов
Bakı/01.02.18/Turan: Hüquqşünas Aslan İsmayılov xüsusi ittiham qaydasında məhkəməyə cəlb edilib və təqsirləndirilən şəxs qismində tanınıb. Bu barədə fevralın 1-də Səbayel Rayon Məhkəməsində hakim Azər Tağıyev qərar qəbul edib.
A.İsmayılovu Müasir Müsavat Partiyasının sədri Hafiz Hacıyev məhkəməyə verib. O, hüquqşünasın Cinayət Məcəlləsinin 147 (böhtan) və 148 (təhqir) maddələri ilə cinayət məsuliyyətinə cəlb edilməsini istəyir.
Fevralın 1-də A.İsmayılov polis vasitəsilə məhkəməyə gətirilib. Hüquqşünas bildirib ki, onu ofisindən gəlib götürüblər. A.İsmayılova dəstək məqsədilə onlarla insan məhkəmənin qarşısına gəlsə də prosesə buraxılmayıb. Hamıya bildirilib ki, məhkəmə zalında yer yoxdur.
Məhkəmənin önündə xeyli polis olub. Onlar adamlara məhkəmənin binası qarşısında dayanmağa icazə verməyiblər.
Hazırlıq iclasında H.Hacıyev özü də iştirak edib. O, A.İsmayılovun prezident və ailəsini, məmurları təhqir etdiyini söyləyib. H.Hacıyevin iddiasına görə, A.İsmayılov sosial şəbəkələrdə onu "canlı" adlandırmaqla təhqir edib, başqalarını şantaj edib pul aldığını deməklə böhtan atıb.
A.İsmayılov isə H.Hacıyevin iddiasının əsassız olduğunu bildirib və onun icraata götürülməməsini istəyib.
Ancaq hakim A.Tağıyev hazırlıq iclasının yekununda fərqli qərar çıxarıb, iddia icraata götürülüb, A.İsmayılov təqsirləndirilən şəxs qismində tanınıb.
Məhkəmə baxışı fevralın 7-nə təyin edilib.
A.İsmayılov hesab edir ki, onun cəzalandırılması sifarişdir və H.Hacıyevdən, sadəcə, vasitə kimi istifadə olunur. Cəzalandırılmasına səbəb isə Milli Onkologiya Mərkəzində korrupsiya halları, apteklərdə psixotrop tərkibli dərmanların reseptsiz satılması və s. haqda yaydığı materiallardır.-0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz