![глава МИД Италии Анджелино Альфано](https://turan.az/resized/750/500/resize/media/2018/main/020100007336.jpg)
глава МИД Италии Анджелино Альфано
İtaliya və RF XİN rəhbərləri Qarabağda ATƏT-in müşahidəçi missiyasının genişləndirilməsi barədə
Moskva/01.02.18/Turan: Azərbaycan və Ermənistan cəbhəsinin təmas xəttində ATƏT müşahidəçilərinin sayının artırılması Qarabağ münaqişəsinin nizamlanması prosesini sürətləndirəcək. Bu barədə ATƏT-in fəaliyyətdə olan sədri, İtaliya XİN rəhbəri Ancelino Alfano Moskvada mətbuat konfransında bildirib.
"Münaqişə zonasında ATƏT sədrinin şəxsi nümayəndəsinin ofisinin genişləndirilməsi münaqişəyə nə verəcək?" sualının cavabında o deyib ki, təşkilati dəstəyin istənilən forması qarşıya qoyulan məqsədə çatmaqda faydalıdır. "Məhz buna də görə hesab edirik ki, bu, mühüm və müsbət addımdır", - o qeyd edib.
Öz növbəsində RF XİN rəhbəri Sergey Lavrov deyib ki, ən çox söhbət təmas xəttində ATƏT müşahidəçilərinin sayının artırılmasından gedir, nəinki ATƏT-in xüsusi nümayəndəsinin ofisinin genişləndirilməsindən.
Onun sözlərinə görə, bu təşəbbüs hələ 2010-cu ildə irəli sürülüb. Ancaq 2016-cı ilin aprelində təmas xəttində baş vermiş "məlum insident"dən sonra 2016-cı ilin iyununda Sankt-Peterburqda ATƏT-in Minsk Qrupu həmsədrlərinin iştirakı ilə Azərbaycan və Ermənistan prezidentlərinin görüşündə təmas xəttində ATƏT müşahidəçilərinin sayına bir neçə nəfərin (altı-yeddi) əlavə edilməsi barədə razılıq əldə olunub.
Hazırda tərəflər bu saziş üzrə konkret parametrlərin razılaşdırılmasına yaxındır.
"Müşahidəçilərin sayının artırılmasının münaqişənin uzadılmasına səbəb olacağı və siyasi nizamlanma üzrə stimuldan məhrum edəcəyilə bağlı şübhələrin olduğunu eşidirəm", - S.Lavrov qeyd edib. O deyib ki, istənilən nizamlanma prosesi özündə paralel olaraq hərtərəfli hərəkətləri birləşdirməlidir. Bura təhlükəsizliyin möhkəmləndirilməsi və siyasi nizamlanma üzrə addımlar da daxildir. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz