Bakı/23.10.18/Turan: Oktyabrın 22-də Bakının Yasamal rayonundakı 175 saylı məktəbin zirzəmisində 352 ədəd müxtəlif növ təlim məqsədli partlamamış hərbi sursat aşkar edilərək zərərsizləşdirilməsi üçün götürülüb. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyi (ANAMA) məlumat yayıb.
Agentlik bildirir ki, partlamamış hərbi sursatların tapıldığı yerin ətrafında 400 kvadrat metr əraziyə də yerüstü baxış keçirilib, əlavə təhlükəli əşya və qurğu aşkarlanmayıb.
Hərbi sursatın məktəbin zirzəmisində hansı məqsədlə saxlanılması və nə vaxtdan orada olması barədə məlumat verilmir.
Dərc edilən fotolardan göründüyü kimi, aşkar edilən hərbi sursatların arasında artilleriya mərmisi, əl qumbaraları, müxtəlif kalibrli patronlar var.
Qeyd edək ki, bu məktəbin yaxınlığında iri hərbi hissələrdən biri- Salyan kazarması yerləşir. SSRİ-nin süqutundan sonra Azərbaycanı tərk edən hərbçilər hərbi sursat və silahları daşıyaraq satırdılar.-03D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz