Mətbuat İcmalı-17.08.12

 

Rəsmi və iqtidaryönlü qəzetlər prezident İlham Əliyevin respublika stadionunun yenidənqurmadan sonra açılış mərasimində iştirakı barədə məlumat və çoxsaylı fotoları birinci səhifəsində dərc ediblər. Müstəqil və müxalifətyönlü qəzetlər Rusiya hökumətinin sədr müavini  Dmitri Roqozinin Bakıya səfəri, İranın PKK-ya dəstəyi, İslam Əməkdaşlıq Təşkilatının Ermənistanın işğalını pisləməsi, Zülfüqarlı qardaşlarının zavoduna hücum, Elçibəyin zəhərlənməsi, Qəbələ RLS-lə bağlı Rusiyanın maraqları və hakimiyyətdaxili  mübarizə barədə yazıları baş məqalə yerində dərc edib.    

Bütün qəzetlər Şərqi Azərbaycanda zəlzələ ilə bağlı çoxsaylı məlumatlar, məqalələr və təhlillərə səhifələrində yer ayırıb.    

 

“Azadlıq” 

 

Xüsusi Dövlət Mühafizə Xidmətinin rəisi Vaqif Axundov ona qarşı ciddi ittihamlarla çıxış edən bu xidmətin keçmiş zabiti Asif Lətifovu dəlixanaya saldırmaq istəyir. Dünən zabiti psixoloji problemləri olması ilə bağlı testdən keçiriblər. 

Bu ilin yayında Bakıda 43 nəfəri əqrəb sançıb. 

“İnanmıram mafiozlar məni buradan sağ-salamat buraxsınlar”  başlıqlı müsahibəsində vicdan məhbusu Vidadi İsgəndərli bildirib ki, baş prokuror Zakir Qaralov onun həbsinə icazə alması üçün dəridən-qabıqdan çıxıb: “Hüquq müdafiəçisi kimi rüşvət və korrupsiyaya qarşı, azadlıq uğrunda mübarizə apardığıma görə seçkilərin saxtalaşdırıldığını bütün dünyaya sübut etdiyimə görə həbs olunmuşam”.

“Hakimiyyətin qana aparan “metal əməliyyatı” reportajında dünən “Bakı Steel Company”-nin rəhbəri Rasim Məmmədovun muzdlu qoçularının Zülfüqarlı qardaşlarının özəl mülkiyyətində olan  metaləritmə zavoduna hücumundan bəhs edir. Nurəddin Zülfüqarlı yaxınlarını zavodu can bahasına qorumağa çağırıb. Vəkil Aslan İsmayılov zavoda hücumla bağlı milli təhlükəsizlik, daxili işlər nazirlərini və baş prokuroru  rəsmi şəkildə məlumatlandırdığını bildirib. 

“Bizim məhbuslar necə  yaşayır, əcnəbilər necə?” məqaləsində dünyanın çoxsaylı ölkələrinin həbsxanalarında məhbusların saxlanma şəraiti Azərbaycan həbsxanaları ilə müqayisə edilir. “Xaricdəki məhbusların şəraitinə” Azərbaycanda azadlıqda olanlar həsəd apara bilər”, deyə müəllif araşdırmanın nəticəsi olaraq bildirir. 

Qəzet həbsdə olan “Talışi Sədo” qəzetinin baş redaktoru Hilal Məmmədovun “Azadlıq eşqi və zindan xofu” məqaləsini dərc edib. O, ölkədəki demokratik qüvvələri bu yolda fəaliyyətini davam etdirməyə çağırır: “Bu gün biz cəmi azadlıqsevərlər, zindanda olub-olmamağımızdan asılı olmayaraq, fəaliyyət göstərməyə borcluyuq. Yalnız bu yolla azad və demokratik cəmiyyəti bərqərar edə bilərik”. 

SEPAH ilə əməkdaşlıq edən 22 nəfərlik qrupun avqustun 28-də Bakı Ağır Cinayətlər Məhkəməsində məhkəmə prosesi başlayacaq. 

“Hakimiyyət soydaşlarımıza niyə həmrəy ola bilmədi?” məqaləsində deyilir ki, Azərbaycan hakimiyyəti Şərqi Azərbaycanda zəlzələ nəticəsində həlak olanlara ən azı bir gün matəm elan etməli idi. “Bu rejim Təbrizdə axan göz yaşlarına həmrəy ola bilməz”. 

Qəzet “Azadlıq” radiosunun hazırladığı “Dövlət xəstəxanasında bir gün,,, ” məqaləsinə dərc edib. Məqalədə 1 saylı Kilinik Xəstəxanadakı rüşvət bahasına aparılan müalicədən bəhs edir. “15 günə 1500 manat xərcim çıxıb. Cərrahiyə əməliyyatı üçün 1200 manat aldılar”, -  xəstə Mustafa Əhmədov bildirib. 

 

“Ekspress” 

 

“Deqradasiya, eroziya və şoranlaşma” məqaləsində ölkədə əkin torpaqlarının problemlərindən bəhs edir.  “Son illər torpaqlardan düzgün istifadə edilməməsi ilə əlaqədar minlərlə hektar torpaq deqradasiya, eroziya və duzlaşmaya məruz qalıb”. 

“Müxalifət 20 ildir eyni siyasəti yürüdür” başlıqlı müsahibədə jurnalist Xaliq Bahadır müxalifətdaxili problemlərə toxunub. “Elçibəyə güzəştə getməyənlər, indi bir-birinə necə güzəşt edəcəklər?”

 

“Yeni Müsavat” 

 

“Hürriyyət” qəzetinin Azərbaycanlı məmur Mikayıl Cabbarovun İstanbul-Barselona təyyarəsində qalmaqal salması barədə yazan müxbiri Fatih Çəkirgə deyib ki, bu olayla bağlı yeni köşə yazısı yazmaq barədə düşünür. “Artıq, sərnişinlərin tam siyahısını əldə etmişəm”, - o qeyd edib. 

AXCP sədri Əli Kərimli müsahibəsində bildirib ki, Cənubi Azərbaycana dəstək kampaniyasının  mənəvi tərəfi daha önəmlidir. AXCP sədri digər çoxsaylı problemlərdən də danışıb.“Biz hakimiyyətdən tələb edirik ki, həbsxanalardakı vəziyyəti kardinal dəyişsin, siyasi məhbuslar tezliklə azadlığa çıxsın, siyasi opponentlərin həbsxanada məhv edilməsi praktikasına son qoyulsun”. 

“Şok! Elçibəyin zəhərlənməsi üzrə cinayət işi açıldı” məqaləsində deyilir ki, “Müasir Müsavat” Partiyasının sədri Hafiz Paşayevin müraciəti əsasında Bakı Şəhər Prokurorluğunda cinayət işi başlanıb, istintaq gedir. Eks-prezidentin eksqumasiyası tələb oluna bilər. Qəzetin mənbələri deyib ki, demokratik düşərgənin liderləri istintaqa çağırılır. 

“Elçibəyi daxili deyil, xarici düşmənlərdən – konkret olaraq PKK və ya ETTELAAT-ın onu zəhərləməsindən şübhələnirmiş. İndi istintaq zəhəri Azərbaycana kimin keçirməsi üzrə araşdırma aparır”. 

 

“Bizim Yol”   

 

Ermənistan parlamentinin deputatı Naapet Gevorkyanın oğlu Artak Gevorkyanın İrəvan şəhərindəki evindən Bakının Nərimanov və Səbayel rayonlarında iki mənzilin mülkiyyət sənədi aşkarlanıb. Sənədlər istintaq orqanı evdə axtarış apararkən aşkar edilib. 

Nəsimi Rayon Məhkəməsi “Azadxeber.org” saytının baş redaktoru Nicat Əliyevin həbs müddətini iki ay uzadıb. O, narkotik maddə saxlamaq ittihamı ilə həbs edilib. 

“Şəkinin bərbad nəqliyyatı” məqaləsində bu rayonda ictimai nəqliyyatın çox pis vəziyyətdə olduğundan bəhs edir. “Rayonda ictimai nəqliyyatda sınıq-salxaq avtobuslardır”. 

 

“Exo” 

 

“Tehran və Yerevan üçün “talış kartı” məqaləsində İran və Ermənistanın  Azərbaycanda ictimai-siyasi sabitliyə təsir etmək üçün son zamanlar talış məsələsini qabartdığı diqqətə çatdırılır. 

İşsiz əhalinin yalnız 1 faizi işsizlik müavinəti alır. 

 

“Yeni Azərbaycan” 

 

Qəzetin baş redaktoru Hikmət Babaoğlunun Azərbaycan Ziyalılar Birliyinin həmtəsisçisi, tanınmış kino dramaturq Rüstəm İbrahimbəyovun əleyhinə “Özününkülərin arasında özgə” başlığı altında böyük yazı dərc edib. 

 

 

 

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti