![İslamçılar Qüds Gününü qeyd ediblər](https://turan.az/resized/media/2012/main/081700007969-750-500-resize.webp)
İslamçılar Qüds Gününü qeyd ediblər
İslam Partiyasının bir qrup fəalı cümə günü Beynəlxalq Qüds Günü münasibətilə İsrail səfirliyinin qarşısında aksiya keçirib. Aksiya iştirakçıları İsrail işğalına etirazlarını və Fələstin xalqı ilə həmrəy olduqlarını bildiriblər. Lakin hadisə yerinə gələn polis dəstələri iştirakçıları saxlayaraq Yasamal Rayon Polis İdarəsinə aparıblar. Bu barədə Turan-a saxlanılanlardan biri, İslam Partiyasının sədr müavini Akif Heydərli məlumat verib. Onun sözlərinə görə, həmçinin AİP rəhbəri Elçin Manafof saxlanılıb.
Cümə günü səhər İslam Partiyası Şəhidlər Xiyabanında başqa bir aksiya keçirib. Aksiyada 100-ə yaxın adam iştirak edib. Polis aksiyaya müdaxilə etməyib və aksiya iştirakçıları çiçək qoyaraq qətnaməni oxuduqdan sonra dağılışıblar.
Beynəlxalq Qüds Günü İran islam inqilabının lideri Xomeyni tərəfindən təsis edilib və hər il Ramazan ayının sonuncu cümə günü Qüdsün israillilər tərəfindən işğalına etiraz olaraq keçirilir.–06C--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz