Rəsmi qəzetlər dövlət başçısı İlham Əliyevin Latviya və İsrailin Azərbaycana təyin edilən yeni səfirlərinin etimadnamələrini qəbul etməsi haqda xəbəri, Naxçıvan daxili işlər naziri Əhməd Əhmədova general-leytenant rütbəsinin verməsi, Kamal Ələkbərovun Naxçıvanın Kəngərli rayonuna icra başçısı təyin ediməsilə bağlı imzaladığı sərəncamların mətnlərini ilk səhifələrdə yerləşdiriblər.
“Azadlıq” Beynəlxalq Bankda yeni kredit qalmaqallarına yol verməmək üçün bankın keçmiş rəhbəri Cahangir Hacıyevin adamlarının işdən azad edilmələrini və bank pullarına nəzarətin artırılmasını manjetə çıxarıb.
Parlament seçkilərilə bağlı hakimiyyətin iki namizəd siyahısı olduğu və hakim YAP-ın açıqlayacağı siyahının formal xarakter daşıyacağı bildirilir.
Həbsdə olan tanınmış hüquq müdafiəçisi Leyla Yunusu müayinə edən həkim Vitə isnadən “hepatit C” xəstələyindən sağalması haqda Ədliyyə Nazirliyinin açıqlamasına Vit L.Yunusla bağlı belə açıqlama vermədiyini deyib.
Nəqliyyat naziri Ziya Məmmədovun oğlu Anar Məmmədovun “Azərbaycan-Amerika Alyansı” təşkilatını bağlamasını qəzet “hakimiyyətin ABŞ-dakı lobbi siyasətinin iflasa uğraması” kimi dəyərləndirir.
Qəzet nazirlərin qohumluqları, övladlarının hansı qurumlarda çalışmaları barədə araşdırma yazısı dərc edib.
Dövlət başçısı İlham Əliyevin köməkçisi Əli Həsənovun “inşallah, manatın kursu sabit qalar” açıqlamasını qəzet iqtidarın devalvasiyanı “Allahın ümidinə buraxması” kimi qiymətləndirir.
Baş nazirin müavini Abud Şərifova məxsus “Evrascon” şirkətində Bakı-Ələt- Astara yol tikintisindəki fəhlələrin aylardır ki maaşlarını ala bilməməsini qəzet “A.Şərifovun ailə biznesinin böhranda” olması adlandırır.
“Ekspress” Qarabağda separatçı rejimin “bələdiyyə seçkiləri”nə hazırlaşmasına rəsmi Bakının “bu seçkilərin heç bir hüquqi qüvvəsi yoxdur” bəyanatını önə verib.
Əfqanıstanın vitse-prezidenti Rəşid Dustumun “İŞİD-in Qafqaz və Azərbaycanla bağlı planı”nın olması barədə açıqlamasını ekspertlər “Azərbaycana növbəti İŞİD xəbərdarlığı” kimi şərh ediblər.
“Exo” “terrorçu PKK təşkilatı Naxçıvana hücum edir” adı ilə Ermənistan ərazisindən Naxçıvana silahlı təcavuz planının hazırlanması haqda ekspertlərin iddiasını diqqət mərkəzinə çəkir.
Qəzet mütəxəssislərə isnadən Bakıda tikilmiş yeni binaların 30%-nin keyfiyyətsiz olması haqda açıqlama verir.
“Novoe Vremya” dünya bazarında neftin dəyərinin ucuzlaşmasına “Bakı öz xarici siyasətinin əsas “kozırlarını itirməsi” yanaşmasını önə verib.
“Bizim yol” baş nazirin müavini Abid Şərifova aid şirkətdə aylardır ki işçilərə maaş verilməməsini “maaş böhranının yaşanması” kimi ilk səhifəyə yerləşdirib.
Tikinti bazarının çökdüyünü, şirkətlərin müflisləşdiyini tazan qəzet Bakıda alqı-satqının demək olar ki, dayandığını, qiymətlərin kəskin endiyini nəzərə çatdırır.
Qəzet son 6 ildə Bərdə rayonuna ayrılan 66 milyon manatın təmir-abadlıq və s. adlar altında əslində mənimsənildiyini qeyd edir.
“Yeni Müsavat” neftin dəyərinin ucuzlaşması ilə bağlı rəsmi Bakının böhrandan çıxış yolu kimi beynəlxalq yükdaşıma ilə məşğul olan şirkətlərin səhmlərinə külli miqdarda investisiya qoymasını, kənd təsərrüfatını inkişaf etdirməsi kursu götürdüyü iddiasını ilk səhifəyə çıxarıb.
Rusiya sənətçiləri, jurnalistlərinin Qarabağa səfərlərinin kütləviləşməsini qəzet “Kremlin Bakıya qarşı şantaj siyasətini gücləndirməsi” adlandırır.
Ekspertlər neftin qiymətinin ucuzlaşması ilə əlaqədar 2016-ci il dövlət büdcəsinin 6 milyard azaldılacağı barədə xəbərdarlıq edirlər.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz