Dortmundun “Borussiya” futbol klubunun forvardı Henri Mxitaryanın Avropa Liqası matçı çərçivəsində Azərbaycana buraxılıb-buraxılmayacağı barədə yerli və və beynəlxalq mətbuatda müzakirələrdən sonra rəsmi Bakı məsələyə aydınlıq gətirib.
Azərbaycanın mövqeyi belədir ki, idmandan siyasi məqsədlərlə istifadə etmək olmaz. Bunu bazar ertəsi Azərbaycan XİN mətbuat xidməti Hikmət Haciyev bildirib.
O qeyd edib ki, son 10 ildə Azərbaycanda 300-dən çox beynəlxalq idman tədbiri keçirilib ki, bunlarda da 100-dən çox erməni idmançı iştirak edib.
“Sevindirici haldır ki, ölkənin futbol klubları Avropa Liqasının qrup mərhələsinə vəsiqə qazanıblar. Belə yarışlarda iştirak etməklə hər dövlət UEFA-nın müəyyən etdiyi qaydalara əsaslanır və yarışları buna uyğun təşkil edir. Futbol idmanın komanda növüdür. Burada əsas kimi komanda yanaşması götürülür, ayrı-ayrı şəxsiyyətlər yox. Dortmundun “Borussiya” komandasının Azərbaycana gəlişi komanda xarakteri daşıyır, ayrı-ayrı şəxslərin gəlişi deyil”, - XİN-in rəsmi nümayəndəsi bildirib.
İşğal edilmiş ərazilərə səfər edən arzuolunmaz şəxslərə gəlincə, H.Hacıyevin sözlərinə görə, burada hər hala fərdi olaraq baxılır.
Qeyd edək ki, Rusiya mətbuatının məlumatına görə, 2009-2012-ci illərdə Mxitaryan dəfələrlə Dağlıq Qarabağa səfər edib, yerli əhaliyə yardım göstərib. Bura Azərbaycan ordusuna qarşı döyüşən hərbçilərin ailələri də daxildir. Mxitaryan həmçinin Qarabağ separatçılarının rəhbərliyi ilə görüşüb.—06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz