Mətbuat-Monitorinq 02.11.12

Rəsmi qəzetlər dövlət başçısı İlham Əliyevin BMT-nin Azərbaycana təyin edilən yeni rezident-əlaqələndiricisini qəbul etməsi, Beyləqan rayonunun inkişafı üçün 2 milyon manat vəsaitin ayrılması barədə sərəncam imzalaması haqda yazırlar.  

“Azadlıq” qəzeti. Britaniyanın “The İndependent” qəzeti dövlət başçısı İlham Əliyevi Qəzzafiyə bənzədərək sərt epitetlərlə tənqid edib. 

Politoloqlar PA ictimai-siyasi şöbəsinin müdiri Əli Həsənovun Moskva səfəri haqda qeyri-müəyyən açıqlamalarını qəzetə “səfərin nəticəsilə bağlı məyusluğun olması” kimi şərh ediblər.  

Qəzet FHN nəzdində idman klubunun yaradılmasını nazir Kəmaləddin Heydərovun “qoçu dəstələrinin sayını artırması” kimi dəyərləndirir.

“Zerkalo” Bakı meriyasının müxalif qüvvələrə aklsiya keçirməyə icazə verməməsini “müxalifətin etiraz haqqını tanımaması” kimi dəyərləndirir.

“Ekspress”. 2012-ci ildə Azərbaycanda insan alverilə bağlı 85 fakt aşkar edilib.  “Kapitalbank” 5 ayda vətəndaşlara sövet dönəmindən qalma əmanətlərdən 420 milyon manat ödəyib.

“Exo” Dünya Bankına istinadən Azərbaycanda “neft sektoru erası”nın 2020-ci illər hüdudunda bitəcəyi barədə xəbərdarlıq edib. 

“Bizim yol”. Erməni tərəfi Ramil Səfərovun ekstradisiya və əfv olunması məsələsini Avropa məhkəməsinə qaldırmaq istəyir. 

Neftçilərin Hüquqlarını müdafiə qurumunun rəhbəri Mirvari Qəhrəmanlı bu ilin sonuna kimi 40 min nəfər neftçinin işdən azad olunacağı barədə xəbərdarlıq edib. 

İqtisadi ekspertlər qəzetə şərhlərində bildiriblər ki, hökumətin dövlət büdcəsi zərfi müxtəlif qrupların subyektiv istəkləri əsasında hazırlanıb. 

“Yeni Müsavat” qəzetinə Tbilisi səfəri haqda açıqlama verən Müsavat Partiyasının başqanı İsa Qəmbər “bu proses yeni mərhələdir” şərhini verib. 

Qəzet iki həftə öncə Dərbənddə baş verən daşqınlardan əziyyət çəkənlərə yardım məqsədilə göndərilən yüklərin gömrükdən buraxılmamasını “Rusiyadan Azərbaycana kobud jest” adlandırır.

“Müsəlman təəssübkeşi” olan İran Ermənistanla əlbir olaraq Azərbaycanla razılaşmadan Araz çayı üzərində elektrik stansiyası tikmək istəyir. 

Qəzet yarımsökülü halında olan “Bakı” mehmanxanasının qalan hissəsinin məhz indi sökülməyə başlamasını Rusiyada şərti “milyarderlər ittifaqı” təşkilatının təsisçilərindən iş adamı İsgəndər Xəlilovun vurulması adlandırır.