Mətbuat-Monitorinq 03.11.12

Rəsmi qəzetlər dövlət başçısının qəbulları haqda yazır. Bundan əlavə, bu qəzetlərdə İmişli rayonunun sosial- iqtisadi inkişafı üşün 2 milyon manat ayrılması haqda dövlət başçısının sərəncamı yer alıb.  

“Azadlıq” qəzeti. Rusiyada yaradılan şərti “milyarderlər ittifaqı”nın üzvü Söyün Sadıqov Azərbaycan KİV-lərində ittifaqa qaşı başlanmış kampaniyanı “bəzi vicdansız məmurların tapşırığı” kimi dəyərləndirib. 

“REAL”ın rəhbəri İlqar Məmmədov Azərbaycan parlamentini zooparka bənzədib, buna cavab olaraq keçmiş polis, indi deputat Adil Əliyev onu başının kəsilməsilə hədələyib, hüquqşünas İntiqam Əliyev isə parlamenti oyuncaq qurum adlandırıb.  

Qəzet “deputatlıq rüşvəti olayı”nda adı keçmiş deputat Gülər Əhəmədova ilə birgə çəkilən Sevinc Babayevanın ölkədən çıxarılmasını “hakimiyyətin rüşvət qalmaqlaını ort-basdır etmək istəməsi” adlandırır.  

“Zerkalo”  Bakıda yağışlar yaşması ilə küçələrin keçilməz olmasına işarə edərək buna ironik “meriya günahkar deyil, yağış özü Bakıya gəlib” mövqeyini ifadə edir.  

“Ekspress” parlamentin fəaliyyətini ciddi tənqidə məruz qoyan qəzetlərə qarşı deputatların tənqidlərini müstəqil mətbuatın hədəfə götürülməsi adlandırıb.  

2011-ci ildə 2696 azərbaycanlı qız əcnəbilərlə ailə həyatı qurub. 

“Exo”  ilin əvvəlindən ölkədə satılan mənzillərin artıq 1 milyard dollar,  yaşayış obyektləri üzrə bağlanan əqdlərin 50 minə qədər olduğunu yazır.  

“Novoe Vremya”  parlamentin icazəsiz aksiyalarda iştiraka görə qanun qəbul etməsini, müstəqil qəzetləri tənqidə tutmasını “iqtidarın bütün cəbhəboyu cəmiyyətun üzərinə hücuma keçməsi” adlandırır.  

“Bizim yol”  parlamentdə azad mətbuata olan hücumları “Oqtay Əsədovun azad mətbuat üzərinə hücum əmri verməsi” kimi dəyərləndirir.  

“Yeni Müsavat”  icazəsiz aksiyalarda iştiraka görə cərimələrin fantastik dərəcədə qaldırılması haqda qanunun qəbulunu “mürtəce cəza qanunu” adlandırır.  

Qəzet yazır ki, Britaniyanın “Daily Mail”qəzeti Azərbaycanən dövlət başçısını və onunla dostluq edən prins Endryünü kəskin tənqid edib.  

Moskvada yaradılan şərti “milyarderlər ittifaqı”nın yaradıcılarından Abbas Abbasovun Azərbaycan iqtidarı ilə “körpüləri yandırdığı”nı iddia edən qəzet quruma yeni şokedici simaların qoşulacağı anonsunu verir. 

Vergilər Nazirliyinin Xüsusi Rejimli Vergi Xidməti Departamentində iri şirkətləırin borclarının onlarla 

əməkdaşlıq edən kiçik müəssisələrdən alındığını yazan qəzet bunu departament rəhbərinin özfəaliyyəti sayır. 

Naxçıvanda İnternet xəbər saytlarına girişə blok qoyulmasını qəzet Naxçıvan rəhbəri “Vasif Talıbovun virtual məkanı da nəzarətə götürməsi” kimi dəyərləndirir.