Dövlət Departamenti: Xocalı aeroportu ilə bağlı məsələni beynəlxalq hüquq çərçivəsində həll etmək lazımdır
ABŞ Dövlət Departamenti Xocalı aeroportunun fəaliyyəti ətrafında vəziyyətin kəskinləşməsi ilə bağlı narahatlığını bir daha bildirib.
Turan-ın müxbirinin məlumatına görə, Dövlət Departamentinin mətbuat katibi Viktoriya Nuland cümə günü keçirilən ənənəvi brifinqdə bu mövzuya toxunub.
“ABŞ tərəfləri bu aeroportun fəaliyyətinə dair məsələlərin diplomatik həllini tapmağa çağırır. Bu zaman müvafiq beynəlxalq sazişlər, beynəlxal hüquq və Ermənistanla Azərbaycan arasında mülki hava əlaqəsi məsələsində mövcud praktika nəzərə alınmalıdır”, - o vurğulayıb.
“ABŞ bu problemin həllinə cəlb olunubmu” sualının cavabında Nuland ATƏT-in Minsk Qrupunun bəyanatından sitat gətirərək bildirib ki, bu aeroportun fəaliyyətindən Dağlıq Qarabağın statusunun dəyişdirilməsində istifadə oluna bilməz.-25D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz