Mətbuat-Monitorinq 04.12.12
Bugünkü qəzetlərin aparıcı mövzusu PA rəhbəri Ramiz Mehdiyevin “Azərbaycan 2020: gələcəyə baxış” adlı beynəlxalq konfransda iştirakı və mətbuata açıqlamaları olub.
“Azərbaycan” qəzeti ölkədə insan azadlıqlarını məhdudlaşdırmaq və cəzaları sərtləşdirmək “layihələri” ilə ad çıxaran deputat Rafael Cəbrayılovun Qərbin demokratiya adı altında öz geosiyasi maraqlarını güdməsi haqda genişhəcmli məqaləsini dərc edib.
“Azadlıq” qəzeti Naxçıvan MTN-də müəmmalı şəkildə vəfat edən Turac Zeynalovun xanımının iyrənc üsullarla ələ alınması haqda yazını manjetə çıxarıb.
Qəzet rəsmilərə istinadən qarşıdakı 8 ildə pensiyaların məbləğinin 151 manatdan 260 manata qaldırılacağını yazaraq bunu ironiya ilə “”iqtidarın təqaüdçülərə “8 il də gözləyin mesajı” adlandırır.
PA rəhbəri Ramiz Mehdiyevin Ziyalılar Forumunun üzvləri barədə “keçmişi qaranlıqlar” deməsini yazıçı Əkrəm Əylisli “37-də sovet rejimi də fərqli düşünənlərə bu adla divan tuturdu” şərhini verib.
Nazir Kəmaləddin Heydərova məxsus “APA holdinq” və “Publika.az” saytı arasında bir-birini sıradan çıxarmaq uğrunda savaş gedir.
AXCP sədri Əli Kərimlıi 2013-cü ilin prezident seçkilərində müxalifətin vahid namizədini müəyyən etmək üçün müxalifət elektoratı arasında səsvermə (praymeriz) keçirməyi təklif edib.
“Zerkalo” Azərbaycan-Türkiyə tandemini Ermənistanla “təmas” prosesində taktikanı dəyişməyə imkan verə bilməsi kimi dəyərləndirir.
“Ekspress” Bakının Badamdar sahəsində iki gündür ki, torpaq sürüşməsinin davam etdiyini yazaraq 0,5 metr sürüşmənin qeydə alındığını bildirir.
Bakıda yol hərəkəti qaydalarını pozduqlarına görə 338 min sürücü məsuliyyətə cəlb olunub.
Son iki-üç ildə yalnız fərdi jurnlaist müsabiqələri təşkil edən KİV-in İnkişafına Dəstək Fondu gələn ildən KİV orqanlarının layihələşdirilməsinə başlayır və artıq müsabiqə elan olunub.
“Exo”. 1987-ci ildən 2012-ci ilin dekabrına kimi ölkədə QİÇS virusu daşıyıcısı olan 3720 nəfər qeydə alınıb.
“Novoe Vremya” iqtidarın “2020-ci ilə baxış konsepsiyası”nı inkişaf konsepsiyası adlandırmasına şübhəsini “gələcəyin konsepsiyası, yoxsa durğunluğun konsepsiyası?” şəklində ifadə edir.
“Bizim yol” yazır ki, PA rəhbəri Ramiz Mehdiyev son kadr təyinatları ilə bağlı təşəbbüsün dövlət başçısı İlham Əliyevdən gəlməsi haqda açıqlama verib.
İqtisadi ekspertlər hökumətin büdcədə “hərbi təyinatlı xərclər” adı altında korrupsiyaya əlverişli zəmin yaratması haqda şərh veriblər.
“Yeni Müsavat” PA rəhbəri Ramiz Mehdiyevin ölkənin gələcəyilə bağlı açıqlamalarını “ikincşi şəxsdən şok açıqlamalar” adlandırıb.
İctimai Palatanın 10 dekabr aksiyasında “orijinal sürprizlər”in olacağı gözlənilir, amma aksiya təşkilatçıları bu haqda öncədən açıqlama vermək istəmirlər.
Qəzet erməni mənbələrinə istinadən qeyd edir ki, Gorus-Laçın-Xankəndi yolunu Rusiyanın Ermənistana verdiyi “S-300” raketləri qoruyur.
Paytaxtda 30-dək marşrut xəttinin ləğv olunmasını qəzet “Ziya Məmmədovun “avtobus qiyamı” hazırlaması” kimi dəyərləndirir.
-
- Cəmiyyət
- 3 Dekabr 2012 18:24
-
- İqtisadiyyat
- 4 Dekabr 2012 10:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz