Rəsmi qəzetlər dövlət başçısı İlham Əliyevin İslam Əməkdaşlıq Təşkilatının baş katibi İyad ibn-Amin Mədənini, Münxen Təhlükəsizlik Konfransının sədri Volfanq İsingeri qəbul etməsi, Ədalət Muradovun İqtisad Universitetinin rektoru təyin etməsinə dair sərəncam imzalaması haqda yazırlar.
“Azadlıq” qəzeti ölkədə kimlərin “nurçu” olması savaşında PA-nın əməkdaşı Elnur Aslanovun ictimai-siyasi şöbənin müdiri Əli Həsənovdan şübhələnərək komandası ilə ona hücuma keçməsini ilk səhifəyə çıxarıb.
Lökbatan qəsəbəsinə qaz təhcizatının dayandırılması və sonradan “iyli qaz”ın verilməsi qəsəbə sakinlərinin kütləvi şəkildə zəhərlənmələrinə səbəb olub.
AXCP-nin gənc fəallarından Ağaverdi Ruşanov denən səhər aptekə dərman dalınca gedərkən polis tərəfindən “polisə müqavimət” adı ilə saxlanılıb və 20 sutka inzibati cəza alıb.
YAP-çı deputat Siyavuş Novruzovun ABŞ-ı narkotik maddə ticarətində ittiham etməsinə politoloqlar “diplomatik qalmaqala səbəb olacaq açıqlama” şərhini veriblər.
Ölkə ictimaiyyətinin fəalları AXCP-nin binasının partladılaraq qərargahdan məhrum edilməsini “AXCP və Milli Şuraya qarşı aparılan kampaniyanın tərkib hissəsi” adlandırıblar.
“Zerkalo” şəhərsalma üzrə Dövlət Komitəsinin Bakı ilə bağlı planında tramvay nəqliyyatının şəhər həyatına qaytarılmasının nəzərdə tutulduğunu yazır.
“Ekspress” qaza vurulan aderant maddəsinin normadan artıq olmasının Lökbatan qəsəbəsində 100-ə qədər sakinin zəhərlənməsinə səsəb olmasını ön plana çəkib.
Qəzet ədalətli araşdırma hüquqlarının pozulmasına görə Avropa məhkəməsinə müracıət edən ölkə müxalifətinin 11 təmsilçisinin hökumətdən 200 min avro təzminat istədiyini nəzərə çatdırır.
“Bizim yol” Lökbatan qəsəbəsində sakinlərin qazdan zəhərlənməsini “Azəriqaz”ın 4 binanın sakinlərini zəhərləməsi” kimi dəyərləndirir.
Qəzet Bakının “Sovetski” məhəlləsi sakinlərinin ədalətli kompensasiya tələbilə martın 8-də aksiya keçirmək barədə qərar qəbul etdiklərini bildirir.
“Yeni Müsavat” deputat Ayaz Orucovun oğlu İsmayıl Orucovun iki qadını döyməsilə bağlı xəbəri manjetə çıxarıb.
Qəzet Salyanda bir neçə gün öncə qətlə yetirilən KXCP üzvü Aydın Xəlilovun yaxınlarına istinadən onun 34 bıçaq zərbəsilə öldürüldüyünu, onu aparan maşının meyitilə birgə yolun kənarına atıldığını yazır.
Jurnalist Pərviz Həşimlinin həbsi motivlərilə bağlı şərh verən ekspertlər bu həbsı “hakimiyyətdaxili savaşın nəticəsi” adlandırıblar.
Evlərinin sökülməsinə qarşılıq olaraq ədalətli kompensasiya tələb etdiklərinə görə polisin saxladığı “Sovetski” məhəlləsinin sakinlərinə 15-30 sutka inzibati cəza verilib.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz