Mətbuat-Monitorinq 06.04.13

Rəsmi və hökumətyönlü qəzetlər dövlət başçısı İlham Əliyevin “AİTF-2013” turizm və səyahətlər sərgisində iştirakını ilk səhifəyə çıxarıblar.

Bundan əlavə, “Yeni Azərbaycan” və “Xalq” qəzeti”ndə aparıcı müxalifət qvvələrini, tarınmış ziyalı Rüstəm İbrahimbəyovu təhqirə məruz qoyan yazılar dərc edilib. 

“Azadlıq” qəzeti  ABŞ-ın “The Nyu-York Times” qəzetinin PA-nın rəhbəri Ramiz Mehdiyevin irticaçı fəaliyyəti barədə yazmasını manjetə çıxararaq, bunu “ABŞ mediasının Ramiz Mehdiyevi “vurması” kimi dəyərləndirir. 

QHT rəhbəri Yaşar Cəfərliyə bir neçə gen öncə hücum edənlər hərbiçi olduqları üçün bu şəxslərin işinə hərbi prokurorluq baxacaq. 

Türkiyənin nüfuza malik qəzetlərində Əliyevlərin gizli biznesilə bağlı araşdırmaya yer verilməsi türk mediasında “Əliyevlər senzurasının qaldırılması” adlandırılır. İcmalçılar Əliyelərin vəsaitlərini Azərbaycana yatırmamasını “Əliyevin özünün idarə etdiyi ölkəyə inanmaması” kimi qiymətləndirirlər. 

Rəsmi Bakının ədalətli seçki vədinə müxalif siyasətçlər “bu iqtidarın demokartik seçki keçirmək iradəsi yoxdur” qarşılığı veriblər. 

“Zerkalo” qəzeti “EL” Hərəkatının ofisinə basqına rəhbərlik etməsinə baxmayaraq, Binəqədi rayon polis rəisinin “hansı basqın, mən toplantıda olmuşam” bəyanatına “maskaların yırtılması?” şərhi verir. 

Son 9 ildə abortların sayının 11 minə qalxdığını yazan qəzet buna “bitirilən həyatlar” mövqeyi ifadə edir.

“Ekspress” qəzeti 28 minə yaxın narkomanın rəsmi qeydiyyatda olduğunu yazaraq, 2012-ci ildə dövriyyədən 23 milyon dollarlıq narkotik maddə çıxarıldığını bildirir. 

“Bizim yol” qəzeti polisin “EL” Hərəkatını ofisindən çıxarmasını “binada dövlət çevrilişi” hazırlanması” bəyanatı ilə “əsaslandırmağa” çalışdığını önə çəkib.

“EL” Hərəkatının nümayəndəsi Eldəniz Quliyev regional konfransa qatılmaq üçün getdiyi Lənkəran şəhərinin girəcəyində təxribatçıların hücumuna məruz qalıb. 

“Yeni Müsavat” qəzeti Bakıda “EL” Hərəkatının yeni ofisinə polis basqını olduğunu,  Lənkəranda isə qurum üzvlərinə dəyənəkli şəxslərin hücum etdiklərini ilk səhifəyə çıxarıb. 

Beynəlxalq Araşdırmaçı Jurnalistlər Təşkilatının yaydığı bank hesablarını ABŞ kəşfiyyatının ötürdüyünü yazan qəzet bu açıqlamalara “ikinci Wikileaks bombası-ofşor sirlər” mövqeyi ifadə edir.

Əliyevlərə məxsus gizli bank hesablarının açıqlanmasını siyasilər “rəsmi Bakının təhdidilərinə Qərbin cavabı” adlandırıblar. 

Moskvada azərbaycanlıların kütləvi həbsinin, ölkədən çıxarılmalarının gücləndiyini iddia edən qəzet buna “şimaldan təzyiqlərin getdikcə güclənməsi” şərhi verir.