Rəsmi qəzetlər dövlət başçısı İlham Əliyevin “Xəyal Adası” layihəsi çərçivəsində SABİS Sun beynəlxalq məktəb kompleksi və Qolf klubunun açılışında iştirakı haqda xəbərləri ilk səhifələrdə yerləşdiriblər.
“Azadlıq” qəzeti nəqliyyat naziri Ziya Məmmədovdan Beynəlxalq Bankdan götürdüyü 500 milyon manatlıq borcun qaytarılmasının tələb olunmasını önə çəkərək bunu nazir üçün “borc bataqlığı” kimi dəyərləndirir.
Qəzet yazır ki, ölkə məmurları tikdirdikləri villaların gələcəkdə sökülməsi təhlükəsini aradan qaldırmaq üçün tarixi-arxitektur abidələr stilində tikdirərək YUNESCO-nun maddi-mədəniyyət nümunələri siyahısına saldırmağa cəhd edirlər.
Qəzet bu gün həbsdə olan jurnalist Xədicə İsmayılın, hüquqşünas İntiqam Əliyevin, AXCP Rəyasət Heyətinin üzvü Asif Yusiflinin şikayətlərinə baxılacağını nəzərə çatdırır.
REAL Hərəkatı qurumun həbsdə olan sədri İlqar Məmmədova ailəsilə telefon əlaqəsi saxlamağa imkan verilmədiyini bildirir.
Bu ilin mayında Binəqədidə yanan hündürmərtəbəli binanın sakinləri keyfiyyətsiz təmirə görə etiraz aksiyası keçiriblər.
“Ekspress” MTRŞ-nin bir sıra telekanallarda sou-verilişləri bağlamasına “efiri toyxanaya çeviriblər” mövqeyini diqqət mərkəzinə çəkir.
“Exo” ölkə apteklərində keyfiyyətsiz dərmanların artmasına səbəb kimi dərmanların qiymətlərinin aşağı salınmasını və dövlət ekspertizasının zəif işləməsini göstərir.
“Novoe Vremya” Azərbaycanın intensiv silahlanmasını, Ermənistanın isə həyasızlamasını önə çəkir.
“Bizim yol” Azərbaycanla Türkiyə arasında 3 milyard dollarlıq hərbi sazişin imzalanması haqda xəbəri ilk səhifəyə yerləşdirib.
Ekspertlər sentyabr ayında Mərkəzi Bankın 270 milyon dollar itirməsini ölkədən kapital axın ilə izah edirlər.
Yeni binaların əksəriyyətinin qazsız qalmasına səbəb kimi hüquqşünaslar bina sahiblərindən külli miqdarda rüşvət tələb olunmasını göstərirlər.
“Yeni Müsavat” “Azərenerji”nin özəlləşdirilməyə hazırlandığını ilk səhifəyə çıxararaq bunu iqtidarın qurumun rəhbəri Etibar Pirverdiyevlə birdəfəlik qurtarması kimi dəyərləndirir.
Müsavat Partiyasından 29 saylı Səbayel seçki dairəsində namizəd Nüşabə Sadıxlı ona imza verən şəxslərin imzalarından imtina etdirilməsi prosesinin arxasında bu dairədə rəqibi Şəmsəddin Hacıyevin durduğunu iddia edib.
Qəzetin iddiasına görə, Qərb Qafqazda SOCAR-ın önəmini artırmaqla ikinci bp yaradır və məqsəd Rusiyanı bölgənin siyasi və iqtisadi maraqlarından uzaq tutmaqdır.
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz