“Azadlıq” qəzeti Paşayevlər ailəsilə PA rəhbəri Ramiz Mehdiyevin arasındakı qarşıdurmanın nəzarətdən çıxdığını iddia edərək bunu “iqtidar daxilində amansız savaş” kimi dəyərləndirir.
Qəzet keçmiş rektor Elşad Abdullayevin yaydığı “deputatlıq rüşvəti” videosunda adı vasitəçi kimi keçən Sevinc Babayevanın Türkiyədə müəmmalı ölümünə dair müxtəlif reaksiyaları əks edən yazılar dərc edib.
Qəzet Avropanın Olimpiya oyunlarını Azərbaycanda keçirməyə razılığa görə ABŞ-ın Avropanı tənqidə məruz qoymasını, dövlət başçısı İlham Əliyevin mühafizə əməkdaşının yol qəzasında ölməsi, “Qaradağsement”in sementin satışını 1 manat bahalaşdırması, ictimai fəal Saleh Qafarlının polis tərəfindən saxlanması, döyülməsi və barəsində 5 sutka inzibati cəza qərarının verilməsi haqda yazır.
Polisin nəzarəti altında əsasən idmançılardan ibarət dəstədən müxalifət mitinqlərinin dağıdılmasında istifadə edilir və iqtidara yaxın iş adamlara onlara hər ay 500 manat pul verirlər.
İctimai Palatanın Naxçıvan təşkilatının 30 dekabr iclasında iştirak etmiş müxalifətçilər telefon vasitəsilə hədə-qorxulara məruz qalır.
“Zerkalo” Azərbaycandan göndərilən 8 işin Avropa məhkəməsində kommunikasiya mərhələsində olduğunu yazaraq 16 vətəndaşın işinə bu yaxınlarda baxılacağını bildirir.
Keçmiş rektor Elşad Abdullayevin yaydığı “deputatlıq rüşvəti” videosunda adı vasitəçi kimi keçən mərhum Sevinc Babayevanın oğlu anasının ölümündə keçmiş deputat Gülər Əhmədovanı ittiham etsə də keçmiş deputatın özünü müdafiə etməməsini qəzet “özünüqoruma instinktinin tamamilə itirilməsi” adlandırır.
“Yeni Müsavat”. Keçmiş rektor Elşad Abdullayevin yaydığı “deputatlıq rüşvəti” videosunda adı vasitəçi kimi keçən mərhum Sevinc Babayevanın oğlu Ayxan Məmmədov həyatı üçün təhlükə olduğunu bəyan edir.
Azərbaycana ət idxalı 30% qaldırılıb, bir maşına alınan qeyri-qanuni “haqq”ın 6 min manatdan 8 min manata qaldırılıb. Ölkədə ətin qiymətinin 10-15% bahalaşacağını yazan qəzet buna görə dövlət başçısı İlham Əliyevin şəxsi mühafizə xidmətinin rəhbəri Bəyləır Əyyubovu ittiham edir.
Yol qəzasına düşən AXCP sədrinin müavini Razi Nurullayevin və həyat yoldaşının vəziyyəti ağır olaraq qalır.
Qarabağ cəbhəsi boyu iqtidarın 3 metr hündürlülüyndə hasar çəkməyə başlamasını ekspertlər “mümkün müharibə hazırlıqlarından biri” sayıblar.
Cəmiyyət
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
Rəy yaz