Avtonəqliyyat vasitələri əməliyyatları üzrə dövlət rüsumu artırılıb

1 yanvar 2013-cü ildən avtonəqliyyat vasitələri əməliyyatları üzrə dövlət rüsumunun yeni həcmi qüvvəyə minib. Bir sıra hallarda onlar 2 dəfə artıb. «Dövlət rüsumu haqqında» qanuna dəyişikliklərin tətbiqi haqda dövlət başçısının sərəncamı 29 dekabr 2012-ci ildə imzalanıb. 

Bu il yanvarın 1-dən avtonəqliyyat vasitələrinə texniki baxış 10 yox, 20 manata başa gələcək. Motonəqliyyat, traktor, qoşqu və s. vasitələrinə texniki baxış 5 manatdan 10 manata artırılıb. Nəqliyyat vasitələrinin uçot göstəricilərinin dəyişdirilməsi və alıcıların tələbi ilə  avtonəqliyyat vasitələrinə texniki baxış üçün də eyni rüsum həcmi müəyyən edilib. 

Sürücülük vəsiqəsi almaq üçün imtahan zamanı ödənilən rüsum dəyişməyib – 20 manat. Təkrar imtahan zamanı 10 manat dövlət rüsumu müəyyən edilib. Sürücülük vəsiqəsi veriləndə və ya dəyişdiriləndə 15 yox, 18 manat ödəniləcək. Avtonəqliyyat vasitələrinin dövlət qeydiyyatı nişanı üçün dövlət rüsumunun həcmi 18 manatdan 22 manata artırılıb. Digər yerüstü nəqliyyat vasitələri üçün bu nişanın qiyməti 11 manat olacaq. 

Avtonəqliyyat vasitələrinin dövlət qeydiyyatı üçün şəhadətnamə 15 yox, 17 manata başa gələcək. Digər yerüstü nəqliyyat vasitələrinin şəhadətnaməsi üçün 5 manat ödəniləcək. --08D—