Rəsmi qəzetlər dövlət başçısı İlham Əliyevin Serbiya dövlətinin Azərbaycandakı səfirini qəbul etməsi, Sumqayıt Dövlət Universitetinə yeni rektorun təyin edilməsi, Bakının Xəzər və Pirallahı rayonlarının inzibati bölgüsündə dəyişikliklərin edilməsi barədə yazıb, bir qrup qadının təltif olunması haqda sərəncam imzalaması ilə bağlı xəbərləri ilk səhifələrə çıxarıblar.
“Azadlıq” qəzeti kimin “nurçu” olub-olmaması məsələsinə baxışın PA-nın rəhbəri Ramiz Mehdiyevin komandasını iki yerə parçalamasını manjetə çıxarıb və İlham Əliyevin bu məsələdə son qərar vermək üçün Türkiyədəki seçkilərin nəticələrini gözlədiyini yazır.
Ekspertlər AXCP-yə məxsus ofisin partladılmasını və sonra tamamilə sökülməsini “iqtidarın AXCP və Milli Şuraya qarşı terrora keçməsi” adlandırıblar.
Deputat Ayaz Orucov oğlu İsmayıl Orucovun iki qadının olduğu avtomobili gülləyə tutmasını inkar etsə də gülləyə tutulan xanımlardan biri Aytən Səfərova bunun gerçək olduğunu təsdiqləyib.
Heydər Əliyev Sarayının yaxınlığındakı, “kəndçilər xəstəxanası” kimi tanınan 4 saylı xəstəxana bağlanıb, personalı Bakı Sağlamlıq Mərkəzinə köçürülüb.
Ölkə prokurorluğunun 2013-cü ildə cəmi 5 min manat həcmində mənimsəmə olması haqda açıqlamasına ekspertlər “korrupsiyanın miqyası ağlasığmazdır, sadəcə, prokurorluq bununla məşğul ola bilmir” şərhini veriblər.
“Zerkalo” QHT rəhbəri Anar Məmmədlinin barəsində həbs müddətinin daha 3 ay uzadılmasına ironiya ilə “xüsusilə təhlükəli cinayətkar” mövqeyini ifadə edir.
“Ekspress” baş nazirin keçmiş müavini Abbas Abbasovun “Putin Ukraynada düzgün addım atdı” bəyanatını Putinə dəstək” kimi dəyərləndirir.
“Bizim yol” Lökbatan qəsəbəsinə verilmiş zəhərli qazın rəsmilərin dediyi kimi 115 nəfərin yox, 500 nəfərdən çox sakinin zəhərlənməsinə səbəb olması xəbərini önə çəkib.
“Yeni Müsavat” dövlət başçısı İlham Əliyevin kadr dəyişikliklərini “MDB məkanı üçün hazırlanan yeni inqilabi ssenarilərə qarşı hərəkətə keçməsi” sayaraq ilk səhifəyə çıxarıb.
Qəzet xüsusi mühafizə xidmətinin rəisi Vaqif Axundovun oğlu Murad Axundovun dəbdəbəli həyat tərzilə bağlı yayılan fotomaterialları “V.Axundovun oğlu ilə “vurulması”” kimi dəyərləndirir.
Deputat Ayaz Orucovun oğlunun iki xanımın olduğu maşını gülləyə tutması haqda yayılan xəbərlərə hüquq-mühafizə orqanlarının cavab verməməsini qəzet “olayın ört-basdır edilməsi” adlandırır.
Baş nazirin keçmiş müavini Abbas Abbasov Rusiyanın Ukraynaya müdaxiləsinə haqq qazandıraraq “Putin ən doğru addımı atdı” bəyanatını səsləndirib.
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz