Mətbuat-Monitorinq 07.10.15

Rəsmi qəzetlər dövlət başçısı İlham Əliyevin Ucar və Göyçay rayonlarına səfəri haqda xəbərləri ilk səhifələrdə yerlədiriblər.

“Azadlıq” qəzeti parlament seçkilərində YAP namizədlərinin montyor, rəngsaz, anbardar, maşinist və s. kimi “ciddi rəqibləri” olmasını “iqtidarın seçkilə bağlı rüsvayçı mənzərə ilə üz-üzə qalması” kimi manjetə çıxarıb.   

Qəzet Ucar rayonunda açılışlar edən dövlət başçısı İlham Əliyevin yanında əslən bu rayondan olan nazir Ziya Məmmədovun görünməməsini “dövlət başçısı yanında nazirin qələminin sındırılması” kimi dəyərləndirir.   

Müdafiə naziri Zakir Həsənovun qardaşı Elşən Həsənovun keçmiş xanımı nazirin də adı keçən mülk qalmaqalı ilə bağlı nazirə və Mehriban Əliyevaya şikayət ünvanlayıb. 

Neftin ucuzlaşması ilə bağlı Vergilər Nazirliyinin büdcəni doldurmaq üçün sahibkarların təzyiqlərinə cavab olaraq iş adamları kütləvi şəkildə məhkəmə iddiaları ilə nazirliyi məhkəmə çəkişmələrinə cəlb edirlər.

Neftin ucuzlaşması ilə ölkənin yeni investisiyalara ehtiyacının yaranması haqda ekspertlər yatırılan sərmayənin təhlükəsizliyi qorunmadığı üçün investisiya yatırımının olmayacağı kimi bədbin proqnoz veriblər.

Vergilər Nazirliyi keçmiş nazir Heydər Babayevə aid “Standart İnsurance” sığorta şirkətinin 20-dən çox agentini bəzi obyektləri “sığortaya cəlbetmə formasından şübhələndiyi üçün” ibtidai istintaqa cəlb edib.

“Ekspress” Türkiyə Baş Qərargah rəisi Hülusi Akarın “birliyimiz təhlükəsizliyimiz üçündür” bəyanatını diqqət mərkəzinə çəkib.

Qəzet 1200 şagird yeri üçün nəzərdə tutulan məktəblərdə 1800-2000 şagiridn təhsil almasına diqqət çəkir.   

“Exo”  zibillərin növlər üzrə yığılması sisteminin tətbiqi ölkədə 70 min yeni iş yerinin yaranmasına səbəb ola biləcəyi iddiasını önə çəkib.     

“Novoe Vremya”  neftin qiymətinin kəskin ucuzlaşmasına baxmayaraq, hökumətin yenə də əsas gəlir mənbəyi kimi neftə arxalanmaq istəməsinə qəzet “nikbinlik ağlabatandırmı?” sualını gündəmə gətirir.

“Bizim yol”  dövlət başçısı İlham Əliyevin Ucar rayonuna səfərində əslən bu rayondan olan nazir Ziya Məmmədovun yer almamasını ilk səhifəyə yerləşdirib.

“Yeni Müsavat”  Rusiya prezidenti Putinin Türkiyədə fəaliyyət göstərən “Palmali” şirkətinin sahibi, azərbaycanlı iş adamı Mübariz Mənsimovun biznesini münasibətləri pisləşdiyi üçün çökdürməyə başlaması iddiasını ilk səhifəyə çıxarıb.

Deputat Qüdrət Həsənquliyev bəzi dini icmaların parlament seçkilərinə qatılmayacaqları və heç kəsi dəstəkləməyəcəkləri barədə bəyanatlarını “siyasətə qarışmaq” sayaraq hüquq-mühafizə orqanlarından onların cəzalandırılmasını istəyib.