![Mətbuat-Monitorinq 08.01.13](https://turan.az/resized/media/2013/main/010800023744-750-500-resize.webp)
Mətbuat-Monitorinq 08.01.13
Rəsmi qəzetlər dövlət başçısı İlham Əliyevin Yardımlı rayonunun sosial-iqtisadi inkişafı üçün 2 milyon manat ayırması haqda sərəncamının mətnini və rus pravoslav icmasına təbrik məktubunu dərc ediblər.
“Azadlıq” qəzeti hakim Yeni Azərbaycan Partiyasının Əli Əsədovun kurasiyasına keçməsi, partiyada ikitirəliyin yaranması xəbərini manjetə çıxararaq bu faktı “YAP-ın Ramiz Mehdiyevin nəzarətindən çıxarılması” sayır.
“Ziyalılar Forumu”nun təsisçilərindən Rüstəm İbrahimbəyov 2013-cü il seçkilərinə “bu seçkidə iqtidara təzə adam gələcək” bəyanatını verib.
“Gülərqeyt” mövzusu qəzetdə yenə geniş yer tutur, məşhur “deputatlıq rüşvəti” videosunda adı vasitəçi kimi keçən mərhum Sevinc Babayevanın oğlu Ayxan Məmmədov anasının ölümündə keçmiş deputat Gülər Əhmədovanı və onunla biznes əlaqəsində olan Türkiyə vətəndaşı Ağlayan Səlcuq adlı şəxsi ittiham edib.
2011-ci lin sonlarında qətlə yetirilən yazar Rafiq Tağının ailəsi qatilin hələ də tapılmamasına “qətldə iqtidarın əli var, ona görə tapmaq istəmirlər” mövqeyini ifadə edib.
Ölkədə korrupsiyanın tüğyan etməsinə toxunan ekspertlər fakta “İlham Əliyev bunları görmürsə deməli yerində deyil” şərhini veriblər.
Qəzet müxalifət qüvvələrinin yanvar ayında iki kütləvi aksiya keçirməyi planlaşdırmasına “yüksək cərimələr müxalifətin fikrini dəyişmədi” mövqeyini ifadə edib.
“Zerkalo” son vaxtlar orduda əsgərlərin ölüm faktına Müdafiə Nazirliyinin ordunun həddən artıq yaxşı tibbi xidmətə malik olması açıqlamasına “buna baxmayaraq, əsgərlər müxtəlif xəstəliklərdən vəfat edirlər” ironiyasını bildirir.
“Ekspress”. Ermənilərin işğalında olan ərazilərdə 277 toponim “erməniləşdirilib”.
“Exo” . Azərbaycan ermənilərə sovet dönəmindən qalma əmanətləri ödəməyə hazırdır. Bundan ötrü həmin şəxslərin Azərbaycan vətəndaşı olduqlarını digər dövlətlərin və ya Azərbaycanın uyğun idarələrində notarial qaydada təsdiq etdirmələri vacibdir.
Bu il dövlət orqanlarının xərcləri 19% artacaq.
“Novoe Vremya”. Son vaxtlar Xankəndi aeroportundan təyyarələrin uçuşuna başlanacağı haqda xəbərlərlə bağlı rəsmi Bakı erməni təyyarələrinin vurulacağı barədə xəbərdarlıq edib.
“Bizim yol”. Mərkəzi Seçki Komissiyasının sədri Məzahir Pənahovun oğlu MTN-dən çıxarılıb.
“Yeni Müsavat” alman kəşfiyyatının nazir Ziya Məmmədovun biznesini izləməsini, nazirə məxsus “Bahar Energy” şirkətinin daxili yazışmaları, ARDNŞ ilə bağlanan məxfi saziş, onlarla məxfi sənədi İnternetə yerləşdirdiyini yazır.
Qalmaqallı “deputatlıq rüşvəti” videosunun əsas fiquru keçmiş deputat Gülər Əhmədovanın rəfiqəsi, jurnalist Əvəz Zeynallının üzünə duran Rüxsarə Axundova İnsan Alveri Qurbanlarına Yardım Mərkəzinin rəisi təyin edilib.
“Şəhriyar-99” metalyayma müəssisəsinin rəhbəri Tahir Bayramov “Baku Steel Company”nin mühafizəçiləri müəssisəyə hücum etdikləri halda özlərini “Molotov kokteyli”lə müdafiə edəcəkləri barədə bəyanat verib.
“Bakı Xəbər” bu günlərdə Balaxanıda odlu silah tətbiq olunmaqla bir neçə nəfərin ölümü ilə nəticələnən hadisənin 180 min manat pul və nüfuz üstündə olduğunu iddia edir.
-
- İqtisadiyyat
- 8 Yanvar 2013 11:20
-
- İqtisadiyyat
- 8 Yanvar 2013 11:43
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz