![Dekabr ayinda ərzaq məhsullarin qiyməti 4,4% artib](https://turan.az/resized/media/2013/main/010800023748-750-500-resize.webp)
Dekabr ayinda ərzaq məhsullarin qiyməti 4,4% artib
Dekabr ayında paytaxtda və eləcədə respublikanın digər iri şəhərlərində ərzaq məhsullarının qiymətlərində orta hesabla-4,4% bahalaşma qeydə alınmışdır. Ay ərzində ərzaq məhsullarından mal əti- paytaxtda-6%, regionlarda-13-14%, qoyun əti paytaxtda-11%, regionlarda-12-18%, kərə yağı paytaxtda-3,2%, regionlarda 3,2-4,8%, yumurta paytaxtda-25%, regionlarda-11-25%, eyni zamanda, bəzi regionlara süd-11%, xama isə-16,7% bahalaşmışdır. Bayram günləri daha çox istifadə olunan quru meyvələrin qiymətində-15%, təzə balıqda isə -10% bahalaşma qeydə alınmışdır. Digər ərzaq məhsullarının qiymətləri isə dəyişməz olaraq qalmışdır. Qiymət artımı daha çox kənd təsərrüfatı və meyvə-tərəvəz məhsullarında öz əksini tapmışdır. Mövsümlə və eləcədə “Yeni il” bayramı ilə əlaqədar olaraq kənd təsərrüfatı məhsullarının qiymətlərində orta hesabla-20-25% artım qeydə alınmışdır. Artan kənd təsərrüfatı məhsullarına pomidor-20%, xiyar-35%, kələm-40%, çüğündur-kök-30%, alma-20%, mandarin-portağal-30%, nar-30%, banan-10% göstərmək olar.
Dekabr ayında ərzaq məhsulları bazarını xarakterizə edən iqtisadçı-ekspertlər bayram ərəfəsində qiymətlərin birdən birə bahalaşmasını əsasən daxili bazarda mövcüd olan inhisarçılıq hallarının və hökumətin istehlak bazarına nəzarətinin zəif olması ilə əlaqələndirirlər. “Belə bir gündə isə alıcılıq gücünün artmasından istifadə edən bir qurup insan, vəziyyətdən sui istifadə edirlər” deyə, ekspertlərdən biri mövcud vəziyyətlə bağlı öz fikrini belə ifadə etdi. Ekspertlər ötən illərlə müqaisədə bazardakı alıcılıq qabiliyyətində də nisbi zəifləmənin müşahidə edildiyini vurğulayırlar. Bakıdakı marketlərdən birinin meneceri bayram ərəfəsindəki ticari vəziyyəti belə izah etdi: “ İldən ilə alıcılıq qabiliyyətinin aşağı düşdüyünü hiss edirəm, nəyin ki, artdığını”. Yaxın günlərdə isə qiymətlərin əsasən sabit qalacağı proqnozlaşdırılır.
-
- Cəmiyyət
- 8 Yanvar 2013 11:28
-
- Bazarların icmalı
- 8 Yanvar 2013 11:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz