Rəsmi qəzetlər dövlət başçısı İlham Əliyevin Soçi olimpiadasının açılışında iştirakı, buradakı görüşləri barədə yazır.
Bundan əlavə, “Azərbaycan” qəzeti Milli Şura sədri Cəmil Həsənlini təhqirə məruz qoyan yazı dərc edib.
“Azadlıq” qəzeti həbsdə olan keçmiş səhiyyə naziri Əli İnsanovun məhkəmə prosesində hakimiyyətin onu öldürmək planı olması haqda xəbərdarlıq etməsini ilk səhifəyə çıxarıb.
Bu günlərdəki konfransda dövlət başçısının məmurları sədaqətə çağırışını qəzet “iqtidarda parçalanma olması” kimi dəyərləndirir.
Ali Məhkəmənin sədri Ramiz Rzayevin ölkədə hüquqi islahatlarla bağlı açıqlamasına ekspertlər “məhkəmə-hüquq islahatları adlı prosesin nəticələri birmənalı mənfidir” şərhi veriblər.
Şəhərin mərkəzində 10 mindən çox evin söküləcəyinə toxunan ekspertlər bunu “2014-cü idlə kəskin qiymət artımı qaçılmaz olacaq” kimi dəyərləndiriblər.
Lənkəran sakini Şaiq Ağayev 8 saylı məktəbdə qızının döyülməsilə bağlı videonu sosial şəbəkələrdə yaydıqdan sonra narkotik ittihamı ilə şərlənərək 4 il azadlıqdan məhrum edilib.
Deputat Cavanşir Paşazadənin “Binə” və “Sədərək” ticarət mərkəzlərinin qapadılması, bu mərkəzlərdə “narkotik saxlana bilməsi” ittihamına cavab olaraq sahibkarlar parlamentə müraciət ünvanlayaraq deputatın təkzib verməsini tələb edirlər.
“Ekspress” qəzeti Londonda yerləşən Beynəlxalq Strateji Tədqiqatlar institutunun “Hərbi balans-2014” adlı hesabatında qarşıdakı 3 ildə Azərbaycanın hərbi xərclərini azı 2 dəfə artıracağı bildiridiyini nəzərə çatdırır.
Dağıstan prezidenti Ramazan Abdiatipov Dağıstanda yaşayan 32 xalqın hər birinin, o cümlədən azərbaycanlıların dilinin dövlət dili stastusu alacağını bildirib.
“Novoe Vremya” qəzeti Avropa Parlamentinin binasında Azərbaycandakı talış etnik azlığının hüquqlarına dair fevralın 19-da keçirilməsi nəzərdə tutulan tədbirə “Qarı Avropanın yeni romanı? İndi o talış seprataçılarına nəvaziş göstərilir” mövqeyi ifadə edib.
“Bizim yol” qəzeti fəaliyyəti dayandırırlmış “Röyalbank”ın vətəndaşların adına milyonlarla kreditlər sənədləşdirdiyini, sadə insanları götürmədikləri kreditləri ödəməyə məcbur etmələrini ön plana çıxarıb.
Qəzet deputat Rəbiyyət Aslanovaya isnadən ölkə parlamentinin bütün media və internet məkanını nəzarətdə saxlayacaq qanun layihəsi üzərində işlədiyini nəzərə çatdırır.
Dünya universitetlərinin reytinqlərini müəyyən edən “QS” təşkilatının 2013-2014-cü il Dünya Reytinq cədvəlinə Azərbaycandan yalnız 3 universitet daxil olub, Xəzər və Qafqaz universitetləri 651-700-ci yerlər arasında, BDU isə 700-dən sonrakı yerlərdə qərar tutub.
“Yeni Müsavat” qəzeti son günlər maliyyə amnistiyası haqda bəyanatları gizli iqtisadiyyatın leqallaşdırılması, məmurların “qara bazar”dakı fəaliyyətinə son qoyularaq siyasi sistemdən ayrılması kimi dəyərləndirir.
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz