Cümə günü Səhiyyə Nazirliyi Azərbaycanda son bir neçə il ərzində Amerikanın “Makro İnternational İnc.” şirkəti ilə birgə həyata keçirilən demoqrafiya və sağlamlıq üzrə sosial araşdırmaların nəticələrini açıqlayıb.
Səhiyyə nazirinin müavini Elsevər Ağayev bildirib ki, son 10 ildə ölkədə doğum sayı 8%-dən 15,6%-ə qədər artıb, əhalinin illik artımı isə 12,7% təşkil edir ki, bu da Avropada ən yüksək rəqəmdir.
Sorğular Bakıda, Abşeronda, Gəncə-Qazax, Şəki-Zaqatala, Quba-Xaçmaz, Aran, Lənkəran, Qarabağ və Dağlıq-Şirvan iqtisadi bölgələrində həyata keçirilib.
Sorğu vərəqələrinə təsərrüfat xarakteristikaları, beş yaşa qədər uşaqların və 15-49 yaşlarında 9381 qadının boyunun, çəkisinin və hemoqlobin səviyyəsinin ölçülməsi, habelə sosial-demoqrafik xüsusiyyətlər, reproduktivlik, doğuş sonrası baxım, immunizasiya və uşaq sağlamlığı, ana və uşaq qidalanması, ailə vəziyyəti haqqında məlumatlar daxil idi.
Qeyd edək ki, rəsmi məlumatlara görə, hazırda Azərbaycan əhalisi təxminən 9,5 mln. nəfər təşkil edir. Bu zaman uşaq ölümü hallarının sayı da yüksək olaraq qalmaqdadır. Ana sağlamlığının və yeni doğulan uşaqların sağlamlığının təmin edilməsində ciddi problemlər var. -02D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz